_මනෝහර_

48 : ඉක්!

කමෙන්ට් ගෝල් 50

"මනෝහර? වස්තුවේ මම බය උනා"

සෙනේෂ් අත්වාරුවෙන් නොන්ඩි ගහාන අමාරුවෙන් මූදට ගාවට ගියේ තාමත් මූදෙ නොගැඹුරු හරියෙ ගිලිලා උන්නු මනෝහර දිහා බලාන. වත්සල ඒ වෙනකොට තෙමිච්චි කුකුළෙක් ගානට මූදු වෙරල අයිනේ හිටගෙන සෙනේෂුයි  මනෝහරයි දිහා මාරුවෙන් මාරුවට බලනවා. මනෝහර සෙනේෂ් ගෙ කට හඬට වත්සලව අල්ලගෙන උන්නු ග්‍රහණෙ බුරුල් කල පමාවට වත්සල පිස්සා ගානට මූද දෙබෑ කරගෙන ගොඩබිමට පාත් වෙලා වැල්ලෙ අඩි කීපයක්ම දුවන් ගොහිල්ලත් තිවුනෙ.

"සෙනේෂ් ළගට යන්න එපා.. ඒකා මනුස්සයෙක් නෙවෙයි!! පිස්සු මනුස්සයෝ යන්න එපා. අනික තමුසෙ ගිලෙයි ඔය මගුල ඇන ඇන මුහුදට ගිහින්"

වත්සල සෙනේෂ්ව ඇදලා ආයම පිටිපස්සට තල්ලු කරනකොට මනෝහර තවත් ඩිංගක් ගොඩබිම පැත්තට පීනුවා. දැන් ඒකගෙ කඳට යටින් වරලක් හයි වෙලා තීන විත්තිය වත්සලට සැක නැතිවම පේන්න අරන්. එහෙන් ඇස් අස්සට ලුණු ගිහින් ඉන්න හිටින්න බෑ දනවා. එහෙන් තමන් ඉස්සරහ විනාඩි කීපයකට කලින් කකුල් දෙකෙන් යස අගේට හිටගෙන උන්නු මනුස්සයා , ඊළග විනාඩියේ සුරංගනා කතා වල ඉන්න ජාතියේ කිඳුරෙක් වෙලා. වත්සලට මේවා දිරවා ගන්ඩ බැරි උනා.

"මනෝහර... උඹ හොඳින්ද? දන්නවාද මම කොච්චර බය උනාද කියලා. ඇයි මේ රෑ මේකත් එකක් මුහුදට ආවේ? මේ මනුස්සයා උඹට කරදරයක් කලාද? උඹව මුහුදට අත ඇරියාද?"

සෙනේෂ් අත් වාරුව පැත්තකට කරලා නොගැඹුරු වෙරලේ වාඩි වෙනකොට සෙනේෂ් ගෙ ශරීරයත් මූදු රළ වැදිලා තෙමෙන්න අරගෙන.

"නෑ මයෙ මහත්තයො.. අයියණ්ඩි මෙදා ගමන ආයෙම වතාවක් මනෝහර ට උපකාර කළාලු ඔන්ඩ. මනෝහර පුර හඳ මුදුන් වෙන වෙලාවේ මූදෙ ඉන්ඩ ඕනෙ. නැත්තං මනෝහරගෙ පපුවට දරා ගන්න බැරි වේදනාවක් එනවාය ඔන්ඩ... අයියණ්ඩී මනෝහර ගෙ කීමටයි......"

"ටිකක් ඉඳපන්!! උඹට පේන්නෙ නැද්ද මුගෙ ශරීරෙ යට කොටසෙ මුගෙ කකුල් දෙක නෑ කියලා!! මූ දිය කිඳුරෙක් කියලා උඹට පේන්නෙ නැද්ද සෙනේෂ්... මේකා දිය කිඳුරෙක් මනුස්සයෝ. මට පිස්සුද උඹට පිස්සුද? උඹ... උඹට බය නැද්ද?"