عودة بعد الفراق

4. ذكريات مؤلمه

« عوده بعد الفراق »
« الفصل الرابع »
« ذكريات مؤلمه »
ليست القضية وضع خاتم فى يدك القضية هي وضع دينك فى يد رجل ربما به سيزداد او ينقص فأحسني الاختيار .

جلس «وليد» في القهوه ينتظر الشباب وأثناء إنتظاره لهم خرج له عم «جمال» صاحب القهوه وهو يقول بترحيب :

يا اهلا يا اهلا ايه قاعد لوحدك ليه امال فين الشباب ؟؟

ابتسم له «وليد» بود ثم قال بهدوء على عكس طبيعته :

جايين يا عم جمال متقلقش اهم حاجه انت بس حرص على اي جماد عندك متضمنش آسر ولا سراج يعملوا فيها ايه .

ابتسم «جمال» بحب ثم سحب كرسي وقال :

والله ربنا عالم انو مكانتكم عندي زي مكانة الواد ثائر ابني يا عم هما يكسروا وانا أصلح .

ابتسم له «وليد» فوجده يربت على فخذه ثم قال بقلق :

مالك يا ابني وشك مخطوف كده ليه حاسك مدايق من حاجه احكيلي همك .

نظر له «وليد» بتيه ثم قال :

مش عارف يا عم جمال مش عارف اي حاجه انا حاسس اني تايه عايز اروح ومش عايز خايف وفي نفس الوقت قلبي جامد اعمل ايه بس في الحيره اللي انا فيها دي ؟؟

نظر لها بأستغراب ثم قال بدهشه :

خايف يا وليد ده انت يا ابني بيضرب بيك المثل ده انت ظهر اخواتك وامك وصحابك قولي مالك يمكن اعرف اساعدك .

تنهد «وليد» بضيق ثم قال وهو ينظر للامام بشرود :

انا وامي واخواتي راجعين على البيت اللي
دمرنا اللي امي تعبت فيه وشافت الوجع الوان كل ما افتكر ذكريات المكان ده ببقى عايز اصرخ ببقى حاسس اني مخنوق قد ما انا شوفت فيه وجع وظلم محدش شافه ابويا ساب وصيته وقال إننا لازم نرجع البيت تاني ونسامحهم على اذيتهم ليا أو يمكن محدش فيهم ليه ذنب غير انو كان ساكت عن عمايلها دلوقتي مطلوب مننا نرجع للذل والقهر تاني ومطلوب من امي تعاني تاني وتشيل الحمل تاني .

نظر له «جمال» ثم قال :

هو حد يقدر يقرب لامك طول ما انت عايش انت كبرت يا وليد وكلنا عارفين حبك لامك عامل ازاي بلاش تحس نفسك ضعيف انت تقدر تمحيهم لو قربوا بس منها بس هتلاقي جواك حاجه عايزه انها تروح هناك صح ؟؟

صمت قليلاً ثم ارتسمت إبتسامة صغيره على ثغره وقال :

مش هنكر أني مبسوط وحاسس اني مرتاح اني هشوفها انا مستنيها ومستني اللحظه دي من 20 سنه اليوم اللي سبتها فيه حسيت روحي بتتسحب مني معرفش ليه يمكن علشان هي كانت اقرب واحده ليا هناك بعد مالك ودره اليوم اللي اتولدت في كان نفس يوم ميلادي اليوم ده حسيت انو الدنيا ادتني هديتي وهو وجودها مش قادر اتحمل وعايز اشوفها بس يا ترى هتبقى المقابله الاولى عامله ازاي ؟؟