عودة بعد الفراق

20. رسالة تهديد

« عوده بعد الفراق »
« الفصل العشرون »
« رسالة تهديد »
‏حابه اقول حاجه مهمه جداً بخصوص البارت ده وجميع البارتات الجايه انو العلاقات الغير شرعيه اللي موجوده في الروايه واي تجاوز فيها حرام وانا مش عملاه علشان نستمتع بيه أو كده كل حاجه بعملها في النهايه ليها سبب وهيتعرف إن شاء الله في البارتات الجايه ف انا ابرأ ذمتي وبقول انو العلاقات اللي في الرواية سوا كلام آسر ومريم أو علاقة سراج وميسون وأوقات كلامهم مع بعض الذي لا يجوز أو قاسم تحديداً حرام ولا يجوز بتاتاً ولكنهم في النهايه هما بشر زينا والإنسان خطاء والنفس امارة بالسوء ومش عايزين بسبب حبنا ليهم ننسى الحرام والحلال وننسى انو علاقتهم والتجاوز ما بينهم حرام شرعاً اللهم بلغت اللهم فاشهد ♥️.
_________________

عينيكي بهدلتني .

بعد تلك الجمله التي لامست قلبها بشده نظرت للاسفل بخجل منه فإبتسم هو عليها ثم فتح باب السياره وقال بهدوء :

اتفضلي يا مدام

ابتسمت «حبيبه» ثم ركبت وانتظرت ثواني حتى ركب بجانبها فنظرت له ثم قالت :

مقولتليش بردوا هنروح فين يا وليد ؟؟

ابتسم لها ثم قال :

بردوا مفيش فايده في الفضول

زمت شفتها ثم قالت بتذمر :

مش لازم اعرف انا رايحه فين ولا همشي كده

رفع حاجبه ثم قال بسخرية :

وهو انتي ماشيه مع حد غريب ؟؟

تنهد بقوه ثم قال :

يا ستي اعتبري اني واخدك رحله هترفضي ؟؟

ابتسمت ثم قالت بحماس :

لا

ضحك هو عليها ثم قال وهو يربط حذام الامان الخاص به وكذلك فعل لها وهي تشعر بالتوتر من قربه منها ابتسم بهدوء ثم قال :

خلاص يبقى اصبري ساعتين ونبقى هناك

ضيقت المسافه الواقعه بين حاجبيها ثم قالت :

هو المكان بعيد اوي كده ؟؟

نظر لها ثم قال بهدوء :

مش اوي بس هنعدي الاول على مكان حلو افطرك فيه بعدين نروح نجيب عصير جوافه باللبن ونتوكل على الله جاهزه يا ست الكل تعيشي يوم تاني من احلى ايام حياتك ؟؟

ابتسمت له بهدوء ثم قالت :

انت كل يوم جنبك يا وليد هو احلى يوم في عمري ربنا يديمك ليا

ابتسم لها بسعاده بالغه ثم قال :

ويديمك ليا يا حبيبتي .