عودة بعد الفراق

16. قول أو إعمل

« عوده بعد الفراق »
«الفصل السادس عشر »
« قول أو إعمل »
*لا تدع يومك يمُر دون أن تُصلي على الحبيب بقلبٍ حاضر!*

اللهمّ صل وسلّم وبارك على سيدنا محمد وعلى آله وصحبه أجمعين صلاةً تسوقُ بها قلوبنا إلى أنوارك 💚❥
_______________

ومالك عمل ايه لما عرف ؟؟

قالتها «منيره» بحنق فتنهدت «قمر» ثم قالت ببساطه :

انتي عارفه مالك يا ماما هادي وبارد وكاريزما في نفسه مستحيل كان يتعصب عليا قدام الناس وهو عمره ما عملها حتى بيني وبينه هو قالي هاتي رقمه وهو هيكلمه

وضعت «مريم» يديها أسفل ذقنها ثم قالت بهيام :

الله بجد قصة حبكوا حلوه اوووي

نظرت لها «قمر» بحنق ثم قالت بتهكم :

قصة حبنا ايه يا مريم بس دي كلها قرف ولا تطاق اصلا ده اي حد يسمعها بيجيله اكتئاب انتي متعرفيش كل التفاصيل

اعتدلت في جلستها ثم صفقت بيديها بحماس وقالت :

ايه هي بقى التفاصيل علشان انا فضولي هيموتني

ضربتها «سوزان» على رقبتها ثم قالت بحنق :

بس يا ام 7 اسئله انتي علشان انا مش طيقاكي

زفرت «مريم» بضيق ثم قالت بتذمر :

يوه يا ماما اعمل ايه يعني النصيب بقى انا اساسا هتجوز من آسوري وهقعد في البيت في الاخر ده ستر الوليه احسن من ميت كليه

جزت «سوزان» على أسنانها ثم قالت :

اقسم بربي يا مريم لو ما اتخرستي لأقوم اجيبك من شعرك

يوووه حاااضر سكت قولي يبنتي

نظرت ل «قمر» بلهفه فوجدتها تنظر لها بحنق واشمئزاز نظرت لها «عفراء» ثم قالت بضيق :

سبيها دي مش هتقول حاجه انا هقولكوا وهقولك يا طنط بنتك اتحبت ازاي مصطفى اصلا مكنش بيناديها قمر كده بإسمها كان بيقولها يا قمري وكان بيجبلها شوكولاتات كتير اوي علشان عارف انها بتحبهم وياااه بقى على الايكس كوفي كان كل يوم وهو جاي السنتر يجيب معاه آيس كوفي ليها واليوم اللي ينسى يجيب فيه يطلع يجري قبل ما نخلص الدرس يجيب ليها قبل ما تروح وميشوفهاش كان حنين اوي وطيب بس تقريباً الزمن هده

ابتسمت «سوزان» بسخرية ثم قالت بتهكم :

لا يا حبيبتي زمن مين اللي هده هو الصنف ده كله كده يعشمك بحبه في الاول بعدين يخلع
صنف زباله وميستاهلش انك تزعلي عليه

نظرت لها « مريم » ثم قالت على الفور :

مش كله يا ماما عالفكره آسر طيب اوي