عودة بعد الفراق

15. خطه مدروسه

« عوده بعد الفراق »
« الفصل الخامس عشر »
« خطه مدروسه  »

الحسنة فى عشر ذي الحجة بـ سبعمائة ضعف
يعنى صفحة القران بـ ٧٠٠ صفحة
يعنى التسبيحة الواحدة بـ ٧٠٠ تسبيحة.

د. حازم شومان
______________

نظر له بإستغراب ثم قال بهدوء :

خير يا استاذ مالك طلبتني ليه ؟؟

تنهد «مالك» ثم قال بهدوء :

قمر حكتلي كل حاجه يا دكتور وياريت بلاش القاب وأستاذ ودكتور والكلام ده

عقد جبينه ثم قال بسخرية :

قالتلك ايه بقى ؟؟

تنهد «مالك» بضيق ثم قال :

أنها كانت مرتبطه بيك

والمطلوب

قالها «مصطفى» بإيجاز وملل فزفر «مالك» بقوه ثم قال بهدوء :

المطلوب انو اختي مش لعبه علشان تلعب بيها هي يمكن غلطت زمان لما مشيت معاك بس لما عرفت غلطها سابتك خلاص يبقى تسيبها في حالها وتنسى الماضي انا مكنتش مصدق انك بتدايقها عمداً بس بعد اللي عرفته واضح انك فعلا مستقصد اختي

ابتسم « مصطفى » بألم ثم نظر له وقال :

انا مش عارف قمر قالتلك ايه بالظبط بس انا عارف انو اللي انا وهي عملناه حرام وحاجه تخلي ربنا يغضب علينا انا مكنتش عايز كده بس انا حبيتها انا اسف اني بقول كده على اختك بس دي الحقيقه .... هي خلتني بعد ما كنت كاره الشغل ده وعايز اسيبه اتمسك بيه ايام ما كنت شغال في السنتر وشوفتها يعني ببساطه بقيت بحب اروح علشان اشوفها انا حبيتها بجد بس هي اللي محبتنيش

زفر بقوه وهو يتذكر كل ما مر به معها حاول جاهداً منع دموعه ثم قال بصوت مهتز اثر كتمه للبكاء :

معاملتي معاها ملهاش علاقة بالماضي اللي كان بينا ، معاملتي معاها بتكون بسبب مشاغبتها وعنادها وأنها بتتعمد تدايقني وتطلع عليا كلام محصلش من الأساس قمر بتحاول تعمل كده علشان تثبت لنفسها أنها نسيتني ومبقتش بتفكر فيا وجزء تاني منها بيخليها تعمل كده علشان جواها إحساس بيقولها اني متعمد ادايقها وازعجها بسبب ماضينا مع بعض بس مش دي الحقيقه انا بحترمها وبقدرها زي

تنهد ثم اكمل حديثه قائلاً :

مش هنكر واقولك اني سامحتها علشان انا اتدمرت لما بعدت عني فجأة وسابت دماغي تتسوح مقالتش السبب لما مشيت يمكن اي حد كان يبص للموضوع من بعيد يقول اكيد انا اللي جرحتها بس اللي حصل العكس هي اللي دمرتني لو كانت قالتلي من الاول صدقني كنت هبعد عنها من سكات بس هي اختارت تبعد من غير ما تقول ليه