عودة بعد الفراق

7. فض الشراكه

« عوده بعد الفراق »
« الفصل السابع »
« فض الشراكه »
بُكرا ربِّنا يراضينا، والأيام تضحكلِنا، ونفرح بجد، ونبقي مرتاحين البال ونعيش الأيام اللِ اتمنيناها "وَمَا ذَلِكَ عَلَىٰ اللّٰهِ بِعَزِيز

سحبها من يديها بسرعه مما جعلهم يسقطون على الأرض كان هو فوقها وهي أسفل منه نظرت له بصدمه وفي ثواني كان ينهض من عليها وكذلك هي نهضت بسرعه وهي تنظر له بغضب ثم قالت :

انت اتجننت يا وليد ؟؟

نظر لها بغضب ثم قال بحده :

انتي كنتي بتعملي ايه عندك ؟؟

مكنتش بعمل حاجه كنت واقفه عادي بشم هوا علشان اتخنقت من الاوضه

نظر لها بدهشه فوجدها تنظر إليه بأستغراب وبعد ثواني قالت بهدوء :

انت كنت مفكرني هنتحر ؟؟

توترت معالمه ثم قال بتوتر :

ها لا اكيد بس كنت خايف عليكي بس لتقعي

انت عارف اني مره حاولت اعملها

نظر له بصدمه ثم قال :

حاولتي تعملي ايه ؟؟

حاولت انتحر

نعم يختي

قالها هو بحنق وغضب فوجدها تقول بهدوء ودموعها تنزل بغزاره وكأن جروحها قد فتحت مره اخرى :

بس ربنا سترها وبعتهالي ومن وقتها وانا بقيت مش بفكر في الموضوع ده اوي

نظر لها بأستغراب ثم قال :

هي مين دي ؟؟

دره

كانت طالعه بالصدفه ولاقتني بحاول انط من هنا وقتها مسكتني وفضلت تزعق فيا وفهمتني مصيري هيكون ايه لما اموت منتحره ورغم اني كنت عارفه بس يمكن عملت نفسي ناسيه بس كلامها وعاني وفهمني اكتر

تنهد بضيق ثم قال :

هو من امتى الحل كان الانتحار ما هو الانتحار لو كان حل لمشاكلنا كان زمان العالم كله انتحر ومتبقاش بشر واحد على الكره الارضيه بأكملها لو فاكره انك الوحيده اللي بتعاني تبقي غلطانه صدقيني مش بقلل من تعبك ووجعك بس بحاول اقولك انو في الآفات من الناس زيك بس بيختاروا يتعالجوا وبيختاروا يبدأوا حياة جديده مش بيختاروا الاستسلام وانتي مش باين عليكي انك ضعيفه

رفعت حاجبها ثم قالت بسخرية :

ومين اللي قالك اني مش ضعيفه ؟؟

حرك كتفيه ببساطه ثم قال :

بإختصار لانو مفيش حد في الكون ده ضعيف كلنا عندنا نقاط قوه ونقاط ضعف بس في ناس مهما كانت نقاط قوتها دايما بتبص لنقاط ضعفها وده من أحد أسباب أنها بتيأس وتستسلم