عودة بعد الفراق

13. صايع قديم

« عوده بعد الفراق »
« الفصل الثالث عشر »
« صايع قديم »

مُمڪن داا ميڪونش وقـت لـطيف بتمر بييه  ، بـس الأڪيد إنو خيير إستـبشر خيير واتبسـط  ، متعقدش نفسڪ بتخيلااتڪ  ، الانسـاان بطبعو بيحب يشوف نفسه ضحييـة ويخلق حـزن لـِ نفسو من غيير سبب   ، متحطش حـااجـة فِـ بـاالڪ غيير انو يـوم وهيعدي سواا ڪـاان لطييف او لأ المهم انـو هيعدي   .

من شويه مكنتش كويس خالص بس
انا وأنتِ والبحر هعوز ايه تاني من الدنيا ؟!!

ابتسمت له بخجل فوجدته يقول بهدوء :

عايزه تعرفي الحكايه ؟؟

اومأت له موافقه بشده لذلك تنهد «وليد» ثم قال :

لما انا وبابا وماما وتسنيم مشينا من بيت الشريف بابا قرر ينقلني انا وتسنيم مدرسه تانيه غير المدرسه اللي كنا فيها كنت شايل هم هعمل ايه وهتصرف ازاي دلوقتي انا كنت متعود على مدرستي القديمه لما دخلتها ولقيت فيها عيال روشين اوي وكل واحد عايز يعلم على التاني بدأت اعمل زيهم واتعلمت ازاي ادافع عن نفسي وسراج ده كان عكسي تماماً انا كنت بعمل مشاكل وادايق في المدرسين واخنقهم وده كان ملاك وهادي وبرئ وكان المتفوق اللي فينا واللي المدرسين بيحبوه اوي عالطول كانوا بيضربوا المثل بيه في الاحترام والأدب ومستغربين انو حظه وقع مع فصل مشاغب ومعفن زي بتاعنا عدت الأيام وفي مره في عيال حاولوا يدايقوه علشان سراج رفض يديهم ملخصات كان عاملها لنفسه يذاكر منها وده كان في فسحة الامتحانات قبل الفتره التانيه سراج مكنش ضعيف بس كان مبيحبش يعمل مشاكل علشان زيزي

ضيقت المسافه الواقعه بين حاجبيها ثم قالت :

مين زيزي دي ؟؟

نظر لها ثم قال بهدوء شديد :

الست اللي اتبنته وربته فتره كبيره من حياتها عاش معاها حوالي خمس سنين وبعدها ماتت هو كان بيحبها وبيخاف عليها من المشاكل علشان كده لو حد كلمه بيفضل السكوت علشان مبجبلهاش مشاكل وتزعل منه وقتها انا اتدخلت وضربت العيال علشانه ومن ساعتها وانا وهو بقينا صحاب وغيرت مكاني ورحت قعدت جنبه ورغم انو المدرسين حذروه كتير مني وقالوله يبعد عني علشان انا صايع وهو محترم بس هو حبني واعتبرني زي اخوه والموقف اللي عملته معاه منسهوش

نظرت له ثم قالت بحماس :

طب واتعرفت على آسر وسهيل ازاي ؟؟

ابتسم عليها وعلى حماسها ذلك ثم قال بهدوء :

آسر كان معانا في المدرسه بردوا بس كان في فصل تاني وفي مره الأهبل عاكس مدرسه وقتها جابوا فطيمه وحلوا المشكله معداش يوم قام ضارب ابنها علشان أمه عملتله إستعداد ولي أمر