عودة بعد الفراق

32. عناق حار

« عودة بعد الفراق »
« الفصل الثاني والثلاثون »
« عناق حار »
من تخلّص من الغيبة والنميمة فإنه قد تخلّص من ثلثيّ عذاب القبر.
______________________

انتفضت « أمل » ثم قالت بإنفعال وغضب :

هو أنت مفكرني مجنونة زي بنتك ؟؟

نظر لها « طارق » بضيقٍ ثم قال بغضب شديد :

حبيبة مش مجنونة يا أمل

إبتسمت هي بسخرية ثم قالت :

ما أنت علشان ابوها لازم تدافع عنها بس متنكرش أنها مجنونة أمال بتروح لدكتورة نفسية ليه راحة تتفسح عندها ؟؟

إنتفض هو من جلسته ثم قال بصراخ وإنفعال إهتزت له أركان المنزل :

ما هي بقت كدة بسببك انتي وبناتك

وقف « مبروك » يربت على شقيقه قائلاً :

أهدى يا طارق

أزاح « طارق » يداه ثم قال بإنفعال :

ابعد عني يا مبروك اقسم بالله يا أمل لو سيرة بنتي جت على لسانك تاني لأكون مرويكي وشي التاني ، انا طول الفترة دي بتعامل معاكي برأفة ولين علشان انتي في النهاية اختي اللي ابونا وصانا عليكي قبل ما يموت لكن غير كدة مكنتش همسك نفسي وانتي طول الوقت بتغلطي في حقها وفي حق بنات العيلة كلهم وهما أطفال وانتي بتعامليهم بقسوة لحد ما كرهتيهم فيكي

نظرت له بصدمة ثم قالت :

انتي بتقولي الكلام دة بجد يا طارق وعلشان مين علشان بنتك انت نسيت اني اختك

إبتسم بسخرية ثم قال :

لا منستش للاسف علشان كدة لسة محترم نفسي، حبيبة خط أحمر يا أمل ولو قربتي منها تاني او قولتيلها كلام يزعلها ....

صمت وهو لا يطاوعه لسانه أن يقولها فنظرت له «أمل» ثم قالت بتهكم :

هتعمل ايه يا طارق ؟؟

زفر بقوةٍ ثم قال :

للاسف لساني مش قادر ينطقها ربنا يهديكي

تركها وذهب وهي تنظر لاثره بضيقٍ وغضب

_______________________

نزلت « قمر » برفقة « عفراء » من سيارة الأجرة متجهين إلى الجامعة لكي يتموا الامتحان الاخير لهم تفاجئت «قمر» بالحارس يقول لها :

معلش يا آنسة قمر العميد طلب أنك متدخليش الكلية إلا بإذن منه

قطبت جبينها بإستغراب ثم قالت بتهكم :

دة ليه دة إن شاء الله ؟؟

تحدث الرجل قائلاً بهدوء :