« عودة بعد الفراق »
« الفصل السادس والعشرون »
« مريضة إنفصام »
يسمعُ الله صوتك الخافت ، ويعلمُ ما في داخلك ، فرّ من ضِيقك إلى سِعته ، بابُ الله مفتوح ، لن يردك ♥️.
قيامُ اللَّيل | أذكروني بدعوه 🥹♥️.
_________________________
انا آسف
نظرت له والدموع تنهمر من عينيها بقوة فوجدته يمد أنامله لكي يمسح دموعها ثم قال بحنان :
انا غلطان انا عارف انا اليوم دة اتعاملت معاكي بقسوة وزعقتلك قدامها وقدام الموظفين بس انتي عارفة انو اللي عملتيه كان غلط ورغم كل دة انا اللي المفروض اعتذر منك مش انتي خالص انا قولت كدة علشان تفهمي غلطك وتعرفي انو مش اي حاجة ينفع تتحل بالعصبية وباللي انتي عملتيه هناك انا المسؤول عنك وانا اللي من واجبي اني اعتذر علشان كدة انا آسف يا درة متزعليش مني
لم تعرف ماذا تفعل فوجدت ذاتها ترتمي بين أحضانه وهي تبكي بقوة ثم قالت من بين شهقاتها :
انا كنت خائفة تكون زعلان مني بجد ومترضاش تتكلم معايا تاني انا اللي آسفة اني اتسرعت وبهدلت الدنيا بغبائي دة بس علشان انا بحبك بخاف حد ياخدك مني انا تعبت كتير اوي علشان تكون ليا يا مالك وخوفي اني ابعد عنك بقى يخليني اعمل اي حاجة علشان خاطري متبعدش عني تاني
وانا والله ما هسيبك ولا هخلي حد يوقع ما بينا
_______________________
في الليل جلست في غرفتها تتذكر احداث اليوم بالكامل وحين طرأ على عقلها لا إرادياً منها إبتسمت بسعادة تتخيل انها ستصبح معه قريباً لن تشتاق له مثلما تشتاق له الآن سيكون شريكها في كل شيء وفي اي شيء ستراه بجوارها دائماً وبمجرد تخيلها لتلك الاشياء اتسعت إبتسامتها رغماً عنها واحست وكأن أجنحتها لا تسع الغرفة فى تلك اللحظة استمعت لصوت إشعار من هاتفها لم تأخذ ثواني لحتى تتأكد وتعرف أنه هو ابتسمت بهدوء ثم فتحت رسالته وجدته يقول
" نمتي ولا لسة صاحية "
احست بسعادة عارمة فهو منذ ساعات لم يتواصل معها أو يُحادثها لذلك ارسلت له
" لا لسة صاحية مش بنام دلوقتي"
ابتسم هو من الجهة الأخرى ثم ارسل لها
" طب بقولك ايه اطلعي كدة البلكونة "
اتسعت حدقتي « حبيبة » ثم انتفضت من جلستها وذهبت ناحية شرفتها المرفقة بالغرفة وجدته يستند بجسده على السيارة ويضع عليها بعض الاكياس امسك هاتفه ثم طلب رقمها وبعد ثواني جائه الرد فقال هو بهدوء :
بقولك ايه انا بصراحة سندوتشات الكبدة اللي كلتها مع العيال مشبعتنيش فجبت شاورما ليكي وحواوشي ليا يرضيكي جوزك ياكل لوحده
أنت تقرأ
عودة بعد الفراق
Humorكنت أظن أن الفراق يجعلنا نفقد القدرة على الحب، لكنه يزداد بمرور الوقت أكثر.
