« عوده بعد الفراق »
« الفصل الثامن »
« دكتور البهايم »
اللهَّـمُ رُدنـا إليـك رداً جميـلاً وقربنـا إليـك قُـرب المُحـب لا قُـرب المُحتـاج يـا اللَّـه
ضيق المسافه الواقعه بين حاجبيه ثم قال بأستغراب :
ليه حضرتك هو صدر مني تصرف مش كويس أو حاجه حصلت تبع الشغل ؟؟
هز رأسه بالرفض ثم قال بهدوء وعمليه :
لا انت من اقوى المبرمجين الموجودين في الشركه والكل يشهد على ده بس انا مبقتش محتاجك هنا يعني جالي واحد أعلى كفاءة منك
ابتسم الاخر بسخرية ثم قال بتهكم :
طب وممكن اعرف مين الاستاذ اللي اخد مكاني بعد اربع سنين شغل مع حضرتك وفي الشركه دي ؟؟
زفر هو ثم قال بإيجاز :
مش هقدر اكشفلك هويته بس اقدر اقولك انو ده مش بإيدي ده ابن شريكي هنا وكان لازم نتخلى عن حد هنا وانا شايف انو عندك خبره و CV يخليك تشتغل في اي شركه بروفيشينال زي دي ف انا مش قلقان عليك بس في غيرك عايز فرصه
قصدك يستغل الواسطه
قالها «وليد» بسخريه وهو ينظر أمامه بتيه وحنق من ذلك الذي يجلس امامه فوجده يقول بهدوء :
للاسف معاك حق بس صدقني يا وليد انا معنديش حاجه اقدمهالك كل اللي اقدر اقولهولك انك خساره في الشركه دي ومكسب لاي شركه تانيه .
نهض «وليد» ثم قال بجديه تامه :
شكرا لحضرتك يا فندم عن اذنك
وقبل أن يخرج من المكتب وجده ينادي عليه :
وليد
التفت ينظر له فوجده يقول :
كمل شغلك انهارده وابدأ قدم إستقالتك من بكره
ابتسم «وليد» بسخريه ثم قال بغرور :
لا معلش يا كارم بيه انا مش هقعد في مكان انا مش مرحب بيا فيه وزي ما حضرتك قولت انا فعلا خساره في الشركه دي عن اذنك
وقبل أن يذهب التفت ينظر له مره اخرى ثم قال بخبث :
وابقى سلملي على طارق باشا وقوله ابن اخوك بيسلم عليك ولا استنى متقولوش حاجه انا هقوله بنفسي .
خرج من المكتب زفر «كارم» بضيق ثم أخرج هاتفه وقام بعمل مكالمه هاتفيه وقال بهدوء :
ايوه يا طارق بيه انا نفذت اللي حضرتك قولتهولي ... تمام يا فندم مفيش مشكله .
______________
على الناحيه الاخرى في شركة الشريف كان الجميع في غرفة الإجتماعات وبعد إنهاء «طارق» لمكالمته مع «كارم» مدير «وليد» ابتسم ثم قال وهو يوجه حديثه لهم :
أنت تقرأ
عودة بعد الفراق
Mizahكنت أظن أن الفراق يجعلنا نفقد القدرة على الحب، لكنه يزداد بمرور الوقت أكثر.
