Evil Rain 02 ( නපුරු වැස්ස 02 )

Napuruwessa 2-12

නපුරු වැස්ස 02 ( 12 වෙනි කොටස )
මේ ඉරණම ලියවෙන වෙලාවයි

' මොකක්..' ආරන්‍යාගේ පිලිතුර ලවාන්ත්ව තිගස්වන්න සමත් වුනා.

' එයා මැරුනා..එයා මාව තනි කරලා ගියා..' ආරන්‍යාගේ ඇස්වල කදුලු ගලන් ගියේ ඇය හඩන්නේ කා ඉදිරියේද කියලා අමතකවෙද්දී..

'ඒ ඇයි..කොහොමද..එකපාට..එහෙම දෙයක්..' ලවාන්ත්ගේ ඔලුව ඇතුලේ දහසක් දේවල් වැඩ කරද්දී කෙල්ලගෙන් අහන්න ඕනේ මොනවද කියලාවත් ලවාන්ත්ට හිතාගන්න බැරි වුනා...කෙල්ල හුස්ම ඇදලා වගේ හැඩුම නැවත්තුවේ ලවාන්ත් දිහාවට දවා අළු කරවන තරමේ බැල්මක් හෙලන ගමන්...

' ඔයාට මොකටද මොනා වුනත්..මගේ ජීවිතේ මොනවා වුනත් ඔයාට මොකද ? මොකටද මං ගැන හොයන්නේ..මං ඔයාගේ කවුද ලවාන්ත්.. කරුණාකරලා යනවා මෙතනින්..යනවා මෙතනින්..' ආරන්‍යා කොල්ලාගේ ඇගට කඩා පැනගෙන වගේ කෑගැහුවේ ගහන්න බැරිකමට වගේ..ලවාන්ත්ගේ ඇස් කේන්තියෙන් පිරුනේ කෙල්ල ඔහුට කතා කරන විදිහට..කොල්ලා වේගෙන් ඇසිපිය සලන ගමන් මනෝ දිහා බැලුවේ ආරන්‍යා කෑගහන විදිහ ඔහුටත් ඇහෙන නිසා..කොල්ලාට දැණුනේ ලැජ්ජාවක්..

' කට වහනවා ආරන්‍යා..' ලවාන්ත්ගේ හඩේ තිබ්බේ එසේ මෙසේ කේන්තියක් නෙවේ..

' ඇයි මං කට වහන්නේ..මට කතා කරන්න අයිතියක්වත් නැද්ද ? මගේ ජීවිතේ විනාශ වෙන්න ගත්තේ තමුසේ මගේ ඇස් ඉස්සරහාට ආව දවසේ ඉදලා..මගේ ජීවිතේම කෑවා..එදා ඇයි තමුසේ මාව මරලා දැම්මේ නැත්තේ..එහෙම වුනානම් අද මෙහෙම දේවල් වෙන්නෙ නෑනේ...මගේ ගී මාව දාලා යන්නේ නැහැනේ...' කෙල්ල කෑගැහුවේ  ලවාන්ත්ගේ ගෙල ලගින් කමිසය ගුලිකරලා  අල්ලගෙන හයියෙන් අඩන ගමන්..ඒ මූණ කළුවෙලා ගිහින්..කොපුල් කදුලින් තෙමිලා..ලවාන්ත් ආරන්‍යාගේ දෑතම ඔහුගේ අතකට මැදි කරගත්තේ ඔහුගේ කමිසයෙන් ඒ දෑත මුදවන්න හිතාගෙන වුනත් කොල්ලා එහෙමම බලාගෙන හිටියේ පිස්සුවෙන් වගේ බලන් හිටියේ ආරන්‍යාගේ කදුළු පිරුණු වත දිහා..

' මොකක්ද ඒ කතාවේ තේරුම...' ආරන්‍යා අන්තිමට කිව්ව දේ එක්ක ලවාන්ත් අහද්දී කෙල්ල ඔහුගේ කමිසයෙන් දෑත මුදෝගෙන පිටුපසට වුනා..

' යනවා..කිව්වාම අහලා යනවා..මම මෙතනට පොලිසියෙන් ගෙන්නන්න කලින් යනවා..' කෙල්ල කියද්දී ඔහු ලාවට කටකොනින් හිනාවෙද්දී ආරන්‍යාට මතක් වුනේ මෙතනට පොලිසියෙන් තියා හමුදාවෙන් ගෙන් වුවත් ලවාන්ත්ට විරුද්ධව වචනයක් කියන්න ඇයට ලැබෙන්නේ කියලා දන්න නිසා..කෙල්ල ඔහුට රවාගෙන ගස්සගෙන වගේ හැරුනේ ගෙතුලට යන්න..ඒත් ලවාන්ත් ඊලගට කිව්ව දේ එක්ක ඇගේ දෙපා නැවතුනා..