An Knows My Heart || မြန်မာဘာသာပြန် ||

「3.2」

" အချိန်က အရမ်းကပ်နေပြီ။ ကုမ္ပဏီရဲ့ အများပိုင် သိမ်းဆည်းရေး ရုံးခန်းထဲမှာ ဒေတာတွေ ရှာလို့ ရပါတယ်။ ရှင် အပင်ပန်းခံရ တော့မှာပဲ "

နောက်ဆုံး စကားလုံးလေးလုံးသည် ရှန် သောယိအား ကျောင်းဆရာက ပြောကြား သည့်နှယ် ခံစားချက်မျိုးပင် ပေးလေသည်။ ရုံးခန်းတံခါးက ပြန်ပိတ်သွားတော့သည်။ သူသည် ခုနလေးတင် မှတ်သားလိုက်သော အကြောင်းအရာနှင့် ပတ်သတ်ပြီး စဉ်းစား ကြည့်လိုက်သည်။ တောင်းဆိုချက်က ယေဘုယျဆန်သည်။ တီးခေါက်စမ်းသပ်ခြင်းနှင့်ပင် မတူပါချေ။ ဤသည်မှာ သူ့ အရည်အချင်းကို ခန့်မှန်းကြည့်ခြင်းဟု ပြောရ မည်ထက် သူ့အား မရှိ၊ ရှိသော အလုပ်တစ်ခုခု တမင်ရှာဖွေကာ လုပ်ခိုင်းခြင်းနှင့် တူသည်။ ထို့အပြင် ကပ်စေးနည်းစွာပင် အချိန် အများကြီး မပေးထားပေ။

ကြိုဆိုပွဲသည် လုပ်ဖော်ကိုင်ဖက်များ၏ သက်ပြင်းချသံများနှင့်အတူ ပျောက်ဆုံး သွားတော့သည်။ ရှန်သောယိသည်လည်း နဂို အစီအစဉ်အတိုင်း အားလုံးကို ထမင်းတစ်နပ် ကျွေးမွေးလိုက်သည်။ ထို့နောက် အမြန်ပြန် ပြီး ကုမ္ပဏီ၌ အချိန်ပိုဆင်းရသည်။ အများ ပိုင် သိမ်းဆည်းရေး ရုံးခန်းသို့ လူအရောက် အပေါက် အင်မတန် နည်းလေသည်။ အပူချိန် ကတောင် တခြားအလွှာများထပ် အနည်းငယ် လျော့ကျနေ၏။ သူသည် လက်ဖက်ခြောက် ဖောက်လိုက်ပြီး အာရုံကို နိုးကြွစေလိုက်သည်။ အလုပ်စမလုပ်ခင်တွင် အန်းနီထံမှ အကြောင်းကြားချက်ကို လက်ခံရရှိလိုက် သည်။

" မစ္စတာချီးက မေးစရာ တစ်ခုခုရှိရင် သူ့ကို မေးလို့ရတယ်တဲ့ "

ကုမ္ပဏီတွင် စတော့ရှယ်ယာ၊ ကြိုရောင်းကြို ဝယ် ကုန်ပစ္စည်း အစုရှယ်ယာ၊ နိုင်ငံခြားငွေ လဲလှယ်ရေး စသော ရင်းနှီးမြှုပ်နှံမှုဆိုင်ရာ ဌာနကြီး သုံးခုရှိသည်။ နိုင်ငံခြားငွေကြေး လဲလှယ်ရေး လုပ်ငန်းသည် ရှေ့နှစ်ခုထက် ပို၍တောင် ရှုပ်ထွေးခက်ခဲသေးသည်။ ရှ န်သောယိသည် ဒေတာများ ထုတ်ယူပြီး နှိုင်းယှဉ်စီစစ်ကြည့်သည်။ သူသည် အဆင့် မြင့် အာမခံသင်္ချာပါရဂူ တစ်ယောက် ဖြစ်သည်။ သူ့အတွက် အကျွမ်းကျင်ဆုံး ကိစ္စ သည် သေချာတိကျမှု မရှိသော ကိစ္စရပ်တစ် ခု၏ ပြောင်းလဲနိုင်စွမ်းကို လေ့လာတိုင်းဆ ပြီး ပုံသဏ္ဌာန်တစ်ရပ်၏ အလားအလာနှင့် မမြင်နိုင်သော ဆုံးရှုံးမှုကို ကြိုတင်ခန့်မှန်း တွက်ချက်ရခြင်းပင်။