خطيئة العشق

الجزء 1

#خطيئة_العشق
💫 الفصل الأول: طوفان الذاكرة💫

- قتال .. قتال قتااااال.....

كان أخر حاجة كتبها فجدار غرفتو الابيض .. لي مغطي برسومات وبعض الكلماات الغير مفهومة .. لاح الفيتخ فلأرض .. وقرب جلس فالكنابي .. و الطبلة قدامو مزلعين فوقها  قراعي دالشراب خاوين وبعضهم مهرس ..  و طفيات د الگارو .. قلب على شي قرعة تكون عامرة كان كلشي خاااوي ومبعثر فكل بلاصة...

دفع الطبلة برجلو حتى تزلع كلشي فالأرض .. و تشخشخ وغوت بأعلى صوت ، حتى تسمع فأرجاء الدار كلها .. شد على راسو لي كيحرقو .. زير يديه على مؤخرة راسو كيشوف فالأرض مغمض عينيه بقوة.. ورجع راسو اللور تكا على الكنابي كيتنفس بصوت مسموع ..

ناض من بلاصتو بهدوء كيتمشى بخطى ثقيلة .. تحنا کیلبس صبادرین .. و بصعوبة عقد السيور بيديه لي كيرجفو .. دار القب ديال لهودي  على راسو ولبس جاكيط ديالو ...

خرج لبرا كان الضلام ، والبرد ، حط يديه فالجياب وضجة الشارع ما ستحملهاش .. دار الكيت  فوذنیه وكمل طريقه .. مشى طريق
طويل على رجليه ..  غير كيتمشى بلا ميعرف راسو فيه غادي .. تايه فوسط الضلام ..

توقف فاش لقا راسو قدام واحد البار .. كان خاصو ضروري يشرب شي حاجة باش يقدر يسكت داك صوت لي فداخلو ..

قطع الشانطي ودخل  كانت
فيه موسيقى هادئة نوعا ما .. موسيقى ممزوجة برائحة الثمالة .. 

اول طبلة خاوية قدامو  جلس فيها ..   تا جا عنده السيرفور
شعرها بوكلي ، و حاطة عكر أحمر لابسة غوب قصيرة فالاسود
خدات منو الطلب ومشات جابت ليه داكشي لي طلب....

فالطاولة قدامو منعزلة على الكل جالسة بجسمها الانثوي الرشيق
بشرتها الحنطية بارزة فكسوة بيضاااء شعرها الأسود منسدل على ظهرها..  شاادة فيديها
کاسها کترشف منو .. و اليد تانية شادة فيها گارو كتكميه باحترافية ..  كانت كتشوف للفراغ وكتفكر فلاشيء ..
مرة مرة كضحك مع البنات والولاد لي خدامين تما واضح انها كتعرفهم ..

لفتات انتباهه ناذرا ما كايصادف اشخاص بحالها .. رجع راسوو اللوور كيتكيف  و ينفخ الدخااان الفوق .. کانت عاطياه بظهرها المعري كايبان غير جزء من الوشم لي وسط ظهرها .. حطات گاروها لي كان مطبع بالعكر ..
وشربات آخر قطرة بقات فكاسها وناضت مع دورات وجها مع تفزع من بلاصتو  .. فلت الكاس
من يدو .. و وقف مصدوم وعينيه خارجين فيها كأنه شاف منظر شل حركته ..
ما تحرك من بلاصتو حتى خرجات من الباب .. مشى اتجاه الباب بسرعة لي جا قدامو كيدفعو .. ما خرج لبرا حتى كانت ركبات فالطاكسي ومشات..

توقف كيتمم بحيرة .. وتلفة...

- ب بااقاا عايشة ، م مااا ماتتش .. (حك فعينيه بتعب) ماااشي هي .. هي مااشي بحاال هاكا .. لا آ خليل حماقيتي .. هي ماشي بحال هاكاا...