ا وصافي حاولت وومنجحتش واخا قلبي نبض من جديد لوحدة وخرا وبغيتها ولكن بلا فايدة فشلت مقدرتش نكون ديك األاسرة صغيرة لي كنحلم بيها مزال باغي نهز ولدي بين يدر ونوهم راسي بلي ماشي هو لي مات شحال هادي...
زهرة: داك الولد كان خطييئة اخليل وحسن ليه لي مات..
دغيا عينيه حمارو وزاد قرب ليها كيترعد عليهاا وهي كتشوف فيه بإستفزاز
زهرة:باغي تهز عليا يدييك؟؟
خليل: (بنرة قااسية) اااخر مرة تقولي علييه خطأ داك لولد كان احسن حاجة وقعات ليا فحياااتي وربي شاهد على الفرحة لي حسيت بيها نهار عرفت عفاف حاملة بييه معمرك مزااال تعاااوديييهاااا واخا مات ايبقى فقلبيي تماما كيف نتي ما نسيتيش بنتك حتى انا ما نسيتووش وما غنساااهش..
بعد عليها كينهج ويصوووت ويديه كيترعدوو .. محملش تقول عليه هكااك قلبو كان متعلق بييه بزاااف وشحال رسم من احلام مع ولدو ولي للاسف متحققوش..
زهرة قربات لييه بشر وإستفززااااز
زهرة:هادي لي ولا قلبك كينبض على قبلها هي لي حققات يااك؟؟هي لي غاتولي مرات الملاكم..ههه من بعد ما حلمات عفااف وشحال كانت كتسنا نهار لي تحقق فيه حلمك كانت كتحلم كثر منك اخليل( طاحو
دموعها بحرقة) عفاف تحلم وحدة وخرا تحقق علااش فين هوو العدل فهااادشييي.. بنتي مشات بلا ما تفرح
خليل دار عندهاا بنفس النظرات ونطق
خليل:حتى وحدة ما حققات وحتى هادي لي بغيتها..( ضحك وعضك على شفايفووو كيضور راسو) حتى هي فشلت باش نخليها فرحاااانة.. وانا مفرحتش بييه جاني حلم باسل مشات حلاوتوو حسيت براسي
خاصني نحققو غير حيت بغيت نهرب من بزاف ديال الحوايج ماشي حيت باغي ..جاني انتصار باااهت وكيف قلتي هدا كان حلم عفاف قبل ميكون حلمي.( شاف فيها بجدية) غنهضر ونعاود لك علاش مشيت...كنتمنا تسمعيني وما ديريش غلط بنتك كون سمعاتني كون....
زهرة: كووون شنووو؟؟ كنتي اتسمح ليهاا واخا قتلت ولدك ؟
خليل: فخبارك آزهرة ؟( تبسم بمرارة ودور راسو لجنب تنهد ورجع شاف فيها) أنا ما عمري حقدت على عفاف وات اتهمتها بقتل ولدي... عرفتي عالش!( زهرة شافت فيه بإستغراب) حيت انا أكثر واحد كيعرف عفاف وعارف طيبة قلبها وما كتأذي حد.. ونفس الوقت عاارف ضعف شخصيتها لي كنت من ديماا كنبغي نقويها كتجي نتي كتهدميها.. ذنوبها عليك حيت كون كانت شخصيتها قوية كااانت ما تخلاش على ولدنا.. نتي عيشتيها فالرعب ديال ماضيك كنتي ديما كتزعزعي تقتها فراسها وفالناس بديك الكلمة ديال غيوقع لك كيف وقع ليااا ! راه ما كاينش هذا غيوقع ليه كيف هذا؟ راه فالحياة كل واحد قصتو
مختلفة على آلاخر..
زهرة:( وجها تعصر ولات كلها كتنهج) داااابا نتاا جاي باغي تبرء رااااسك.. وترمي الهم عليااا وتهمني بلي ذنب بنتي عليااااا ياااااااك وانا لي قتلتها..
أنت تقرأ
خطيئة العشق
Acción💫#مكتملة💫 #خطيئة_العشق كتابة: زينة الحراق - قصة بسيطة بطابع درامي .. رومانسي .. كذلك واقعي .. كتبتها بحب .. وبغيتكم تقراوها بحب .. خيوط خطيئة العشق قدام .. هي خطيئة عشق من الماضي .. واللي بسببها غادي يجيو أشخاص آخرين و غايعاودو يحييوها بطريقة آخ...
