خطيئة العشق

69

••الفصل الخامس••
#خيوط_رفيعة

- بعد شهر...

نزل من طموبيل كاسكيط على راسو .. و لابس تيشورت مزير عليه فالاسود ، مع سروال جينز .. نظراته حادة وملامحه متغيرة كليا .. حالق دقنه رغم ذاالك جاذبيته مقلاتش بملامحه الرجولية القاسية زاد وجه تغطى بصلابة كبر من لي كان عليها شخص ماتو فداخله بزاف ديال الاحساسيس الزوينة شخص تطعن وتلعب عليه وهادشي عاش معاه حتى خلاه شخص اخر صعيب تعرفو .. حتى خسارته لزكية  لي تم  طلاقهم فأخر جلسة...
ولاو  مطلقين شرعا وقانونا متقبلش طلاقهم رغم انه وافق يطلقها ولكن متقبلهاش جاتو صعيبة ولكن مدام هي لي ختارت راحتها بطلاقها منو مايمكنش يرفض .. وعاد الاب ديالو لي قالب عليه وجهو حتى من صحة الجنين كيعرفها غير من طرف ااطبيية لي متبعة عندها زكية .. ولا عايش غير بوحدو وسط الظلام .. وهادشي لي عاش   غير مزاد ولد فيه كره كبير جهة لي وصلوه لهاد الحالة ومواعد نفسو مغايرتاح حتى يندم اي واحد كان سباب واولهم امال...

دخل مطلع راسو بخطواات سريعة كيعطيو ليه تحية وهو عاقد حجبانو بعصبية دخل لمكتب ديالو حيد لكاسكيط لاحها  وجبد تيليفون لاحو فوق المكتب وهز شي وراق كايراجع فيهم حتى تفتح لباب كان معاد لي حاني راسو كيبلع فريقو بصعوبة قدر يهضر..

معاد: شاف..

يوسف: (هز راسو وعلى حاجبو بحدة بلا مايهضر)..

معاد: منين خرجتو وحنا معاه مزال مقال والو .. سيد هضرتو تابثة...

يوسف: (لاح الوراق بزعفة وغوت بقسوة )  ضايفتووووه ؟

معاد: لا اشاف..

يوسف: (داز فيه معصب) حيد
ق _ود من حدايا..

خرج مكايشوفش قدامو .. خاصو غير فين يطلق عصبيتو خصوصا فخدمته ولا صارم كثر من قبل .. دخل لقاعة الاستجواب .. عوج عنقو كيطلعو ويهبطو وداك الشخص واخد راحته كايبان هادئ وهادشي غير مزاد استفز يوسف وخلى  جنونو ينوضو يشطحو .. قرب بخطوات سريعة وشدو من فكو مزير عليه  خلاه يبلع ريقو بالخوف..

يوسف: (ضغط على الحروف بغضب ) الى معجباتكش لبلاصة نديوك فين ترتاح  كثر...

- (بلع ريقو بخوف) انا معارف والوو آشاااف...

يوسف: (عوج عنقو بنفاذ صبر وطلق منو لاحو على طبلة بعنف وغوت بنبرة عالية فوجه) اولد ل_حبة نهااااار كااامل وحنا معاك باااش تهضر ونتا هضرة وحدة فمك معارف والو (لكمو بقوة لوجهو) ليوووووم غاتگر بكلشييي ولااا  غانعلگ zامل بوك من ___9لاويك..

- (شاد على وجهو غير نبرة  صوته ونظراته طيحو فيه نص) ش شااف انا مداير و والووو...

طرطق عظام عنقو وهو مزير على سنانو حتى برز فكه .. ونزل عليه بركلة لوجه حتى تقلب بكرسيه تلى ظهرووو...