خطيئة العشق

88

17:30

نزلت  من الطموبيل هي و صاحبتها .. من بعد ما سلمو  على الكليكة ديالهم لي دوزو معهم وقت ممتع..

فدوى: (حطات يدها على خصرها كاضحك) شفتي هاحناا رجعنا قبل لوقت غير نتي خايفة على والو..

شيماء: (تنهدت بصوت مسموع) كون لقيت كااع منرجع ناري ماسخييتش اففف فوجت والله..

فدوى: وشنو سحاب ليك كانتفلاو هنا !

شيماء:/(شدات فيها راجعين ) ضروري نعاودوهاا حتى دوك دراري ضريفين  حمقونييي..

فدوى: مزال نعاودوهااا هادشي كيف والوو اصاحبتي..

راجعين كايتعاودو ويضحكو  حتى وصلو لباب ليسي .. شيماء هزت راسها غير لمحاتو وهي تجمع ضحكتها وتسمرات فبلاصتها مقدراتش تزيد زيرت يديها مع بعض وهي كاتبلع ريقها بزز وحلقها نشف...

كان متكي على الطموبيل كايشوف فيها بنظرات باردة  وملامحه هادئة مكيبان عليه والو  فقط الجمود..

فدوى: (كتزعزع فيها) مالك اصاحبتي وقفتي ؟

شيماء: (خرجات لحروف بزز وهي كاترعد ) فف فدوى  غير سيري بابا  جا عندي...

هزت ليها براسها ومشات وشيماء بزز كملات طريقها عند خليل الرجفة شاداها والخوف تسلل لقلبها ، وصلت عندو وهي ضحك ليه باش متبينش وحاكات يديها مع بعضهم كاتهرب عينيها منو...

شيماء: ب بابا جيتي؟.(بلعات ريقها وشفايفها كايرجفو) غغ غير ماقريناش واحد ساعة ومشينا انا واحد صاحبتي نديرو شي كافي (مسحات جبينها لي تعرق) راك عارف معنديش تيليفون باش نعلمك ترجع عندي..

سكتت وقلبها غادي يخرج من بلاصتو لاول مرة متقدرش تفهم فاش كايفكر وشنو تحت راسو..

خليل: (ببرود) طلعي

هزت ليه براسها وطلعت لطموبيل مزيرة يديها مع بعضهم .. تبعها وديمارا وهي حداه قلبها كايضرب فتسعين  وهو سايق وعينيه على الطريق  مكيهضرش..

بعد مدة وصلو  للدار .. نزلت شيماء ودخلات قبل منو وهو موراها  طلاقات خولة بيهم فالباب بابتسامة..

خولة: على سلامتكم!

خليل داز فيها وطلع وشيماء بقات متبعة ليه لعين هي وخولة مفهمو والو..

خولة: مالو ؟

مجاوباتهاش طلعات لبيتها وهي تلقى خليل كايجمع كتوباتها كاملين فواحد لكارطون .. وقفات وهي مفاهمة والو...

شيماء: ب بابا شكاديير؟؟ 

مجاوبهاش جمع داكشي كامل وخرج وهي تابعاه كاتجري البكية شداتها..

شيماء: (تابعاه فالدروج كاتعيط ) بابا علاش جامع لياا كتوباتي شنو كاديييير...

خرجت اسماء وعفاف لي كانو فبيتهم كايجريو فاش سمعو  غوات شيماء  وخولة تبعات خليل..