خطيئة العشق

الجزء 2️⃣7️⃣

جواد شدها طلعها اطوموبيل

جواد:غاتمشي معايا مانخليكش بووحدك خصوصا وانه كيقلب عليك

خولة: فين غانمشي معاك تسطيتيي

جواد: لدار مكتيقيش فياا؟؟ وكنظن معندكش فين تمشيييي!!

خولة:( تتفكر) معرفتش اجواد حشووومة الاا

جواد:(تيحاول يقنعها حيت هادي فرصتو) ما حشوومة ما والوووو اتبقاي معايااا مغاديش يقرب لييك

خولة مجاوباتوش دورات عينيها وهو ديمارا لدارو ديريييكت...

عند خلييل لي كاان قدام دارها من بعد مهربات جا تيقلب عليهاا تيدق بحال الحمق جااعر وتيصوووووت غايطرطق بلاعصاب معارف فين يقلب من غير يتسناها حدا دارها

خليل:الى بقات فييييك اخولة هاد لمررة انا ماشي راجل كتهربيييي مني انا غانوريييييك گاع فعايلك اتخلصيي عليييييهم حد صبر هو هاداااا.....)ضرب برجلووو فرويضة ديال طوموبيل

جبد تيليفونو تيصوني لعثمان لي كان واقف حدا ندى تيصووووت مجاوباوش

عثمان:من قبيلة وهو تيصوني اندى االى كنتي عارفة شي حاجة قوليها فين مشات خولة عاد كانت معانا قبيلة شوية غبرات وحتى دارها مكايناش فيهااا

ندى( تدور فعينيهااا) اوف اعثمان راه مقالت ليا والو فاش مشات راه كنت معااكم

عثمان:معرفتش علاش حاس بيك مخبية عليا شي حاجة..!!

حنات راسها تتفرك بصبعانها بتوتر قرب ليها وشد فيديها

عثمان:خليل مغايآديهااش

هزات فيه عينيهااا بارتبااك وتنهدات

ندى:مقالت ليا والو ولكن خدات تيليفونيي صونات على شي حد

عثمان:عطيني تيليفونك...

هزاتو مداتو لييه ودخل ليزابييل كيقلب طلعات ليه نمرة لوولة غمض عينيه بغضب جبد تيليفونو كيتأكد لقاها نمرة جواد ..رجع هز تيليفونو تيصوني لجوااد مجاوبوووش تعصب بالمزياااان...

عثمان:على بلاان

ندى: عثمان تهدن عفااااك

رجع لقا خليل تيصوني عليه تاني تنهد وجاوبووو

خليل:ا*بييي عالش مكتجااااوبش واش عرفتي شي حاجة من ندى

عثمان( غمض عينيه كيصوت ماباغيش يقوليه باش مينوضش صداع ولكن مضطر) خليل غير بلعقل برررد عفااك انا غانقولييك ولكن ماديرش شي حاجة لي تندم عليها

خليل:( ببروود) فين هيييي

عثمان:اخر واحد هضرات معاه هو جواد من تيليفون ندى يعني غالبا اتكووون معاااه..

خليل جمع يدو على شكل لكمة وعض على شفايفووو بغضب

خليل:( تيهضر بهدوووء) صيفط ليا العنوان ديالووو