خطيئة العشق

الجزء 1️⃣9️⃣

زكية خرجات من الحمام كتمسح وجها.. وهو يباان ليها عثمان واقف وشاد تيليفونها فيدو.. حس بيها ودار شااف لجيهتها مطلع حاجبوو وهي كتشووف فيه وترجع تشوف ليدو لي فيها تيليفون.. قلبها بدا تيضرب خايفة يكون عيط أشرف.. كتبلع ريقها بصعووبة وتبلل شفايفها..حلقها نشف وجها مشا منو اللون..

عثمان حط تيليفون بهدوء وشاف فيها مبتاسم..

عثمان:خليتيه مفتوح غير هزيتو تسد هه

زكية:(عينيها ما تابتينش)اء ااااه

عثمان:(دار باش يخرج) تصبحي على خير ونعسي ما تبقايش سهرانة

زكية بقات واقفة بلاصتها كطلع نفس وتهبطها بصعووبة مشات سداات الباب ورجعات هزات تيليفون فتحاتو وأول حاجة طلعاات ليها هي الفيديو لي جاها من نمرة غريبة بركات عليه وهي تشوف رااسها مرميا فلأرض تتبكي وتتحااول تغطي راسهاا....!

. عضات على شفااايفها فاش تفكرات لي وقع كانت طول الوقت متناسية لآمر كتحاول تعيش حياتها وما تخليهش يأثر عليها..حيت فكرات ان اشرف نساها ونسا الفيديو... نزلوو دمووعهااا و گلسات على السرير شادة تيليفون فيدها ومزيرة عليه..تفكرات أن تيليفون طاح فيد عثمان وهي خلاتو محلول لو انه شاف الفيديوو شنو كان ايوقع..!؟

قفزات فاش سمعات صوت الميساج فتحاتو بالزربة وهي تلقاا ميساج منو...

أشرف:(لغزالة! شفتكـ نسيتيني قلت نفكرك فيا..)

قراتو بلا ماتجااوب.. ولاحتو فوق السرير حتى قفزها فاش صونا مشات تتجري هزاتو كترعد جاوبات وحطاتو على وذنها..

أشرف: أووه زكية تواضعاااات وجاوباتني..

زكية:(تتهضر بصوت منخفض ودموعها هابطين) ش شنو بغيتي عندييي

أشرف:ااه مزيان ملي سولتيني.. وانا غنقول لك شنو باغي.. أنا بغيتك نتي وغدا خااصك تجي لعندي..

زكية:مااا نقدرررش واش ما كتفهمش واش ما عندكش القلب ما كفاااكش داكشي لي درتي ليااا خرجتي ليا على حياتي..

أشرف:(بعد تيليفون على ودنو)  سكتي شويا تقبتي ليا ودني بالتغباااان

زكية:الله ياخد فيك الحق على هاااادشي كااااامل

أشرف:أسمعي أدييك ل***ة بلا ما تبداي تمثلي عليا.. وتنساي بلي انا أشرف.. واشرف عارف حقيقتك..

زكية:اشمن حقيقة كدوي عليهاا نتا ما كتفهمش انا ما عمري عرفت شي واحد من غيرك..

أشرف: شش انجيك من تاالي غداا تجي لعندي توحشتك.. (ضحك بإستفزاز)

زكية:(غمضاات عينيها بألم حتى هبطو دموعها) ما غنمشيش...

أشرف:لي بغيتي وتانا انقيص لفيدو لخوك دابا ياك نمرتو فيها..* * * *