خطيئة العشق

الجزء 44

-بعد مرور اسبوع..

دازت ايام ثقيلة عند البعض و سريعة عند البعض الآخر.. ندى مزااال مع ندى وعثمااان واخا كيجي ما كتبغيش تنزل تشوفووو ...  حتى دار واليديها رفضات تمشي ليها..مابغات حد يعرف خصوصا انها المشاكل كيأثرو عليها ما كتعرفش تخبي ..

حتى من نجاة ما عارفة والو.. من غير خليل لي قالت ليه خولة بلي تناقشو هي وعثمان .. وبغات تجي تگلس معاها باش يخليها ترجع لدار ...حيت عارف ندى صاحبتها ومايمكنش تخليها بوحدها...

-كان صباح دخلات خولة لدار  تتلهت من بعد مخرجات تجري شوية .. فاقت نشيطة حيت اليوم الكومبا ديال خليييل فرحانة ومابقى عليها امتا تفرج فيييه ..  طلعات فدروج تتصوت طلات على ندى لقاتها مزال ناعسة ..من بعد مشات لبيتها دخلات خدات دوش خفيف وخرجات نشفات شعرها و لبسات عليها  سيرفيط نوواغ حتى سمعات تيليفون تيصوني  كان هشام..

خولة: صباح لخير
هشام:اصكعة جاو لبوليس كيقلبو عليك
خولة:(بصدمة) شنووو!!  علاش ?

هشام: باغيين ياخذو اقوالك بخصوص موت انس .. راه عطيتهم عنوانك ماتخافي من والو صافي.. انا دابا لحق علييك واخااا..

گلسات على طرف سرير تتصووط تعصباات  وتغددات غير تترد فشعرهااا وتنهد بصوت مسمووع

خولة:(تتغوت)مصيبة كحلة هادي مالقاو غير ليووووم ...ومالهم عاد دابا عاد تفكرونيييي .. زهر كيداير ..

قطعات عليه و خبطات تيليفون مع سرير .. تعصبااات ولات تترعد وتتماصي عنقهااا تتحس بعروقها تشنجوووو ...ناضت تتعض فشفايفهاا بعضب مدة وهي تادور فبلاصهاا تتفكر  حتى سمعات صونيت فلباب.. تنهدات بنفاذ صبر  وهبطات بخطوات سريعة حلات لباب لقات جوج رجال عرفاتهم من لبوليس خسرات ملامحها فيهم وهزات حاجبها بمعنى شنووو

خولة:ياك لاباس ?
-(بصوت خشن) نتي هي الانسة خولة ???
خولة:وي هي انا مدام خولة ليخليك ..

- واخا امدام خولة ممكن تفضلي معانا محتاجين  ناخذو اقوالك بخصوصك موت انس صديقك لقديم ..

زيرات على يديهاا بغضب حتى جاتها لبكية مابغاتهومش يديوها فهاد نهار بااضبط ..

خولة:زعما ضروري ليوم !!
-وي ضروري الالة..

خولة: واخا تسناااوني ..

دخلات بدلات عليها وهزات صاكها وتيليفونها .. هزات كاسكيط دخليل دارتها فراسها وخرجات .. حتى ندى ما قالت ليها والو كانت مزال ناعسة ..

تنهدات بعصبية وخرجات ركبات معااهم وهي غاتمووت بالفقصة ..كلها تزنگاات وعينيها حماروووو..مسافة طريق كانو وصلو لقدام لمركز هبطات تتقاد فالكاسكيط مخنزرة ..من بعد تمشات معاهم  دخلووو بقاو غاديين فواحد الرواق وصلو لحدا واحد لبيرو وطلبو منها تسنااا ..