خطيئة العشق

الجزء 1️⃣7️⃣

عثمان كااان متكي على الحيط كيشوووف فيهم وإبتسامة على فمو ما بغاش يقاطعهم...
خلاهم حتى كملو و تمشى لجهتهم وجلس على الكانبي متكي بيدو وهوما گااع ما نتاابهو ليه خليل .. بعد على زكية تيمسح وجهووو هز راسوو بان ليه عثمااان كيشوف فيهم...

عثمان: اناا هنا واقيلة..

زكية شافت فيه بسرعة حيت ما كااانت عارفاه تمااا بقات تتشوف فيه وتشوف لخليل ومشات سلمات على عتمان سلام ناقص وهو انتبه لهادشي...

عثمان: هو تعنقيه وانا لا !

زكية:(هزااات كتافها) ونتا تصالحتي معااه وانا مخليني هاد المدة مخاصمة مع خويا...

عتمان:(كيشوف لخليل)ما مصالحش معاه..

خليل خنز فيه ومشى وخلاهم... و زكية قربات حدا عثمان وگلسات حداه تتمسح دموعها...

زكية: واش بصح ما تصالحتيس معاه ؟

عتمان:علاش انا امتا تخاصمت معاه ازكية انااا درت جميع الحلول باش نرجع ليه عقلو وما نفع معاه والو.. وكان طريقة الوحيدة هي نخليه يحس بالذنب وياكلو داك ضمير شوياااا... كنظن عطا نتيجة وبدا يدير عقلو...

زكية:هي صاافي انتجمعووو من جديد(تنهدااات بفرحة) كنتمنا نرجعو بحاال قبل واحسن...

عثمان:(خربق فشعرهاا وضحك) شفتك جيتي على الصباح بايتة تحلمي بيه..

زكية:(كتلعب بصباعها وتشوف ليهم) لا غير فاش جا وشاف ماما وما بغاش يدخل تفكرت داك نهار (شافت لعثمان باسف) صراحة قصحنا معاه ياااك...

عتمان:(تنهد وهز ليها راسوو بأه...) ماديريش فبالك..

ناض هز طيليفونوو كيدوز نمرة نورديين مجاوبوش ورجعو لجيب كيصوط زكية لاحظات بلي متوتر وهي تبعو كتسول فييه..

زكية:عثمان مالك ياك لاباس ؟

خليل خرج من لبيت شاف فيه عثمان مخنرز..

عثمان:طلقنا اصاحبي خاصنا نمشيو راه مزال تابعاني شحال من حاجة
خليل تنهد مقادرش يتحرك غير كينگر..

عثمان زفر وزكية كتشوف فيهم مفاهمة والووظدد

زكية:هادا مالوو؟

عثمان: جاوه لفشوش ديال صغر ..

زكية شافت فيه بفرحة حتى لمعو عينيهااا

زكية: ياي غانمشييو لدارنا اه اخليل عفاك يالله معانا ماما غادي تفرح متوحشتيش زعما ماكلتهاا ويالله عفاك...

عثمان:مترغبيهش راه هكا كيضسر ويتجبد عليناا..

خليل منعرف شنو جاه على لفشوووش گلس على لكانبي مجبد وهار خنافرو لسماا
خليل:حزروووووني😎

عثمان عض على شفايفوو ممساليش لهاد تبرهيش ديالو..

عثمان: كتقلب عليا..