خطيئة العشق

87

كانو جالسين الفوق .. فبيت شيماء اللي جالسة كاتصبغ ظفرانها .. و ميرا واقفة كاتشوف فالحوايج اللي عند شيماء وشعرها كيرلي كاتجبد خصلاته ساهية .. تنهدت ومشات جلست وهي متكية بيديها اللور.. كاتشوف بعويناتها الصغار مجبدين وبشرة قمحية عطاتها جاذبية خاصة...

شيماء: (شافت فيها) اجي اجي نصبغ ليك ظفرانك .. عرفتي هاذ لون غايجيك غزااال آ ميرا...

ميرا: (تبسمت وعضت على شفايفها شافت عند شيماء وشافت لأظافرها) مكرهتش ولكن حشومة (بحزن) جدة يالاه ماااتت .. وزايدون بابا ميخلينيش...

شيماء: (قلبت عينيها كاتسوط) حتى نتييي ؟ اويلي (كاضحك باستهزاء) واش انا لي دويت معاه نلقاه حازن ؟

ميرا: حشومة آ شيماء كاتبقى جداتنا وشي حاجة منا كاملين خاص نحتارمو موتها حيت ماشي شي حاجة اللي بسيطة!

شيماء: (رجعت كاتصبغ وحركت ليها يدها بمعنى سكتي) مللتوني .. وليت نكره نجي لدار بكثرة لكآبة لي ولات فيها!

ميرا: (كاتهضر بصوت خافت وهادئ) حرام عليك انا كانتعذب فاش كانشوف ماما مزال كل الليلة كاتبكي على جدة... (ميلت راسها وعويناتها دمعو) واش ما كايبقااش فيك خاااالي ؟

شيماء: (تنهدت) كايبقى فيا ولكن شنو ندير ليهم انا هاكا ميمكنش نحزن بزز ولا نتأثر بزز..!

ميرا: حتى حد ما بزز عليك تحزني .. ولكن عالأقل حتارمي حزن ناس وخرين وما تعامليش معاه ع اساس شي حاجة تافهة حيت مجربتيش تخسري شخص عزيز...

شيماء: (كاطلعها وتنزلها وتعوجها) من امتى تعلمتي تهضري البرهوووشة؟

ميرا: اشمن برهوشة كملت 16 عام...

شيماء: بصحح؟؟ مفخباريش علاش مدرتيش لانييييف؟؟

ميرا: (ضحكت بهدوء) درتو فالدار نتي مبغيتيش تجي...

شيماء: (ضربت على راسها) امم تفكرت .. واش اصاحبتي نتي دايرا عيد ميلاد فالدار وبغيتيني نمشي؟ مالي حماقيت؟؟؟ نلبس ونتقاد فتالي باش نحضر عيد ميلاد فالدار (طلقت ضحكة عالية) اووف ضحكتيني..

ميرا: (تبسمت وبلعت ريقها) فين بغيتي نديرو؟؟

شيماء: فشي كافي زوينة وعرضي على ناس كلاص..

ميرا: لا بابا معندووش مع هاذشي...

شيماء: (هزت كتافها) عقليتو قديمة هاد راجل عمتي  ههههه

ميرا: متهضريش على بابا هاكا !

شيماء نعاااام؟؟؟ مالي شنو قلت؟؟؟

ميرا: بابا عقليتو مقديماش نتي مكتعرفيهش باش تحكمي علييه اصلا...

قبل ما تجاوبها صونالها تيليفون هزاتو قبل ما تجاوب شافت فيها وقالت...

شيماء: صافي تكالماي ونتي باغا دابزي...

تلاحت فوق سريرها كاتهضر فالتيليفون وتلوي فخصلات شعرها وتهضر بصوت حنين خافت عكس صوتها العادي....