خطيئة العشق

الجزء 🔟

ضرب يدو فالحيط بكلقوتو حتى قفزت من حداااه .. و هو  تكا بيدو على الحيط عاطيها بالظهر كاينهج ...

بعدات عليه وهي دايرا فيه نظرات فشكل .. شفقت عليه حيث صعيب فالوقت لي نتا كتحصر على مراتك لي ماتت.. حتی تشوف وحدة كتشبه ليها!! حاولت تحط راسها فبلاصتو وتفهم موقفوو.. قربات حدااه و وقفااات قدامو مربعة يديها.....

خوخة: شوف  أنا فهمتك وفهمت بلي الوضع ديالك صعيب.. ولكن حقيقة واضحة انا ماشي مراتك خاصك تقبل هادشي..!

خليل: أنا عارفك ماشي عفاف ولكن خاصك تكوني عفاف بزز ولا بالخاطر....

هزت صبعها فوجهو معصبة..

خوخة: ههههههه واش بعقلك نتا ولا كادوخ عليا؟؟؟؟

شد فیدها وجرها لعندو کیشوف فعينيها ويهضر معصب.. وهي مزال كتشوف فيه بنظرة باردة ما  هامهاش غواتو..

خليل: خيرتك....

خوخة: ما غاديش تخلعني بغواتك وهاذ تبلبيل دیال والو.. دوزت حياتي غير مع شمكارة
ولمقطعين ما غاتخلعنيش...

ضحك بإستهزاء و طلعها وهبطها..

خليل: كتفتاخري بمحيطك لي دار منك غير خوخة خامجة.. لي كلشي كتعجبو ولكن حتى واحد ما غايقدر ياكلها....

زيراااات على يدها معصبة هضرتو كتهرس ليها گاع داك البرود ولا مبلاة ديالها.. کیشعل فيها
العافية ... قبل ما تجااابو سمعات صوت آخر من الجنب.. كان
صوت انس لي عاقد حجباانو.. طلعهم وهبطهم وقرب عندهم وعينيه خارجين فيهااا...

قرب حداهم.. و عينيه على خولة ما شادش توازن دياالوو باينة فيه شارب فوق القياس.. يالاه هز صبعو جهتها بغا يبدا يتحلف عليهاا .. شيطانها فاق وبدات كتعصر فعينيهااا ومشات عند
أنس عنقاااتوو وتهضر بصووت متقطع..

خولة: انس الحبيب ديالي  هاد لحمق بغا يتعدا عليا جارني وجااابني هنااا بزز وانا مقديت ندير والو خفت يقتلني...

خلیل خرج عينوو فيها من هاد ثمتيل ودغیا بدات کتبكي وطيح الدموع بحال شتا...

أنس دوز بدو على شعرها وقبل جبينها..

انس: شش ما تبكيش..

وجه نظرو لخليل لي واقف ببرود ما مسوقش لهاذ المسرحية حيت هي بنسبة ليه لفعة واللفعة كدير أى حاجة...

انس طلق من خولة وتمشى جهة خليل وشنق عليه...

انس: اليوم انسلخ ***مل بوك ونوريك تحط يدك على حاجتي...

خلیل شد ليه يديه وحيدهم من حوایجو.. ما باغيش يدير فيه راسوو  أنس جمع يدووو وعطاا لخليل لكمة لوجه خلاه شاد فوجهو .. خليل دور لسانو بفمو هادي حرکتو فاش کیشعل عندو الضو لحمر.. دور عنقو يمين شمال .. حتى طرطق .. جمع يدو وصيفطها ليه النيف.. وزادر ركلة الركبة.. جا طايح لأرض..وحتى انس واخا تاهو صحيح كان الشراااب لاعب عليه ما شادش
توازنوو... نفض يدوو و وقف عند راس انس لي كااان شاد من نيفور وكيغوووت..