خطيئة العشق

الجزء 1️⃣3️⃣

...
عثمان کان کایمشي ويجي فالبيرو .. وندی مزال گالسة فالكنابي کتبكي فصمت...حاسة بالظلم والحكرة باش تكوني بنت فهاذ المجتمع خاااصك تحاربي بيديك ورجليك وسنانك.. وشوف تشوف واش يبعدووو منك ويخليوك فحالك... تعرضتي الإغتصاب... نتي لي غالطة... تعرضتي لتحرش نتي لي ما ساتراش راسك.. هضرتي على حقك كتولي ما مربیاااش... رفضتي شي حاجة تفرضات عليك... کيسميوك
معقدة..... الهضرة فيك فيك كيف ما بغيتي تكوني مستحيل يخليوك فحااالك.. غير نتتي ما تسمحيش فحقك وماا تلغيش أحلامك.. و دفنيش طموحاتك.. على قبل شي واحد حاربي بيديك ورجليك حتى
توصلي لداكشي لي باغا باش ما يجيش النهااار لي تندمي حيت ستسلمتي....

عثمان: (قرب لحدااها وگلس قرفصاء) شفتي داك الحمار غادي نربيه على گاع هادشي ....

شافت لعنددو وهزات راسهاا بأه...

عثمان:لا رتاحيتي خليني توصلك لدار..

ندى: واخا

عثمان: فين زيفك..

ندی:معرفتش

قرب لعندها وسد ليها جاكيط ديالووو وداار ليها القب على راسهاا حتی ما بقااش تیبان شعرها... شدها من يدها وخرجو من المكتب خرجو من الباب اللور.. وعيط لواحد جاب ليه  طموبیل تمااا... فتح ليها الباب وركباات عاد رکب هوو غادين فالطريق فهدوء والصمت سيد المكان ندی متکیا راسها على الزااج وعاضة على شفايفها حابسة البكية.. عثمان سااايق ومغدد بزز حابس غضبو على هادشي لي وقع فالمطعم ديالوو هادشي لي وقع مع ندى كان ممكن يوقع مع أي بنت تما....قالها تعطيه العنوان دیالها عطاتو ليه دارو فجيبي اس... بعد مدة عااد وصلو وقف طموبيل وشاف لعندها...

عثمان: هادشي عمرو يتعاود و داك الحمار لا بغيتي دیکلاري بيه ما عنديش مشکل...

ندى: أنا ماشي فهادشي باراكة عليا غير هادشي لي انا فيه وتزيدني تجرجير فالمحاكم وهداك باينة فيه لاباس عليه واش غنقد عليه أنا .. مبغيتش هاذشي يوصل لعائلتي غايتجبد ليا صداع .. عفاك هدشي يبقى بيناتنا....

عتمان: (خبط يدو مع الفولون) ماااا تفكريش فهادشي يكووون لي بغا غادي يتعااااقب نتي ما دیریش فبااالك وبقاااي هاد لایام فدار حتى ترتااااحي...

هزات ليه راسها بأه ونزلات... عتمان بقا حاضيها تا دخلات وسدات الباب عاااد تنهد وديمارا نیشان راجع المطعم.. وجنون كيشطحو ليه فالراااس غادي باكبر سرعة باغي يووصل بزربة... وقف الطموبيل بزعفة ونزل منها تيجري دخل من
باب اللور وهبط التحت گاااع فین کیحطو السلعة... دخل الواحد الغرفة وااسعة كيبااانلو عماد مربوط فالكرسي وجواد گالس مقابل معاه وشاد گارو تیکمیه... عتمان غير دخل مشا لعنددو جاعر ضرب الكرسي حتى طااااح وجا فلأرض هبط بالزربة کیفتح ليه القنب باش مربوووط...

عتمان: ياااولد ال*حبة غير شهد على روووحك بااش دخل تااال ريسطو دیالي وتهجم على وحدة من موظفين ديااالي غنقتل ا/ملبوك الكلب ....