خطيئة العشق

77

فاقت من نعاسها حاسة بجسمها ضارها من النعسة لمعدبة لي نعسات حكات عينيها وخرجات من لبيت كاتكسل وتحك فشعرها قربات لسرجم كاطل منها كانت دنيا عامرة والصداع بزاف زدحات سرجم  ورجعات جلسات  على السرير  كاتماصي على  راسها حتى سمعات لباب تحل وهي تهز راسها بان ليها داخل كايلهت وشاد على صدرو بزز خرج لحروف من جوفه..

هشام: نتي هادي شنو طاري وشكاديري هنا؟؟

خولة: (حطات رجل على رجل ونطقات بهدوء) وشكون من غيري ،ماالك كاتلهت كانو يجريو عليك..

هشام: (قرب جلس حداها كايرد نفس) كنت نااعس حتى عيطو ليا جيراان قالو ليا جري شفارة عندك فداااار ..

خولة: (عوجات فمها) شفارة قالييك..

هشام:دخووول لديوو بتخبية..ماشي شغل شفارة  هادو..

خولة: (هزات يديها ونزلات عليه لكتف بشوية) وهاهوما كاع دخلو شفاارة شنو غايسرقووو راس مالك ديك ناموسية لملاوحة نعست فيها بحال لي نعست على لخشب صابح ظهري كايحرقتيي..

هشام: (حك عينيه وتقاد فجلستو وهو كايبلع فريقو) وشنو كاديري هنا فين  رااجلك ؟؟

خولة: متوحشتنيييش !

هشام: (خنزر فيها) شنو غانتوحش فيك الخرااا جاوبي علاش جيتي لهناا ..

خولة: (تنهدات بملل) والو تناقشنا اناويااه  وجيت غضباانة لداري ..

هشام: (ضيق فيها عينيه بغرابة)  وكاتقوليها ونتي مبردة ياكما دابزتو واش شي مشكييل كبييير ؟؟

خولة: هشام مافياش لي يهضر وعيااانة من بعد ونعاود ليك دابا خرج جيب ليا منفطر راه فيااا جووع..

هشام: راجلك شابع فلوس وطمعي فيا انا نفطرك؟

خولة: (نتفتاتو من شعرو)  راه عياانة ومافيا لي يخرج يجبد لفلووس نوض تقود جيب ليا مانحنجر  شحاال فيك ديال زيادااات ..

هشام: (تنهد) نتي باينة درتي لسيد شي حااجة ..خليل مايخلييكش تخرجي من دااار غير هكاااك نتي لي لفعة اما هو الله يعمرها دااار..

خولة: (علات فيه حاجبها باستغراب) ياااك ازييبن دابا انا لي وليت مامزيااانش يااك مكنتييش تحملو ؟

هشام: كنا وكنتوو سيد مشفت منوو غير لخييير رجولة..

خولة: (دفعاتو مخنزرة) نوووض عليا بحالك بحالو طلاقيتوو سلاكط..

هشام:  جمعي دلقوشك

خولة: (خرجات فيه عينيها) نوووض ضربني لا دااكشي لي بقى ليييك...

هشام: (بلع ريقو) لا اختي مساخياش عليا صحتي بينك وبينووو..

خولة: هكاااك دخل سوق راسك  ونوووض جيب لياا مانجغدد شحفتنيي تفوو...