فالمساء...
'في أحد مراكز التجميل بوجهة فخمة وراقية كايبان مستواه عاالي'
كانت منغمسة فخدمتها جالسة فالبيغو ديالها مركزة عيونها على بعض الاوراء باهتمام ، دقائق وجمعاتهم فالجنب .. و زولت نظاظرها وتكات بيدها على البيرو بتعب حتى جات عينها على صورتهم العائلية .. هي وخليل وبناتهم تبسمت ومررت يدها فوق صورة بحب .. شافت لساعتها و وقفات كانت لابسة سروال قصير فالاسود مع شوميز فالبلو بارد خاشياها فالسروال .. هزت مونطوها طويل نازل حتى لتحت لبساتو و هزت صاكها وخرجت من مكتبها .. كان الصالون عامر باازبونات .. عاد فالجنب كاين محل خاص بماركتها الخاصة بمواد التجميل.. و الزيوت الطبيعية...
خرجت معلية راسها ، و فالجنب كانو بعض البنات مجمعات غير شافوها وهوما يطيرو لخدمتهم..
ركبت فطموبيلتها ومشات نيشان للمدرسة دالبنات وصلت قبل الوقت تصلت بخليل علماتو باللي دازت موراهم .. دقايق ولمحاتهم خارجين جاو جهتها بسرعة شيماء سبقا هي الاولى ركبات القدام واسماء ركبت اللور منخفة قربت باست ماماها ورجعت بلاصتها كاتشوف لزاج....
خولة: (ديمارات عينيها على طريق) اوا شنوو درتو اليوووم فالمدرسة ؟
شيماء: (بفخر) انا قاديت واحد تمرين مزياان وصفقو عليا...
خولة: برااافوو ma fille !
شافت عند اسماء من المرايا كاتسناها تهضر ما هضراتش...
خولة: اسماء ونتي؟
أسماء: (بنفخة) ما درت والو وما صفقوليش...
شيماء: ماما دابزت مع واحد لبنت .. ديك لبنت مسكينة ضريفة وهي قطعت ليها كتابها .. والمديرة عيطات لبابا....
خولة: فخباااري ابنتي(شافت فاسماء بجدية من زاجة ) المدرسة كنقراو فيها ماشي كاندابزو هادشي مانبغيش يتعاود اخر مرة يتشكاو ليا انا وباك منك ولا غاتكون هضرة وخرى وتصرف اخور(بتاكيد) خاصكي تعطي صورة زوينة لراسك ولي رباوك متافقين ابنتي؟
اسماء:(نزلات راسها باحراج) واخا اماما
خولة تنهدت وهي كاتشوف للطريق .. ما عارفاش شنو السبب اللي خلا اسماء اندفاعية بهاذ الشكل.. وصلو للدار عيانين البنات طلعو يبدلو عليهم و خولة طلعت نيشان عند عفاف اللي كانت معاها المربية ديالها اللي ما مكاتفارقهاش نهار كله...
خولة: (موجهة كلامها للمربية) صافي يمكن ليك تمشي (بابتسامة)
تبسمت المربية مدت ليها مذكرة صغيرة كتكتب فيها اي حاجة طرات لعفاف فالنهار كلو .. بحال عدد النوبات وشحال استمرو دالوقت..!
جلست خولة جنب عفاف لي كانت ناعسة باستها وهزاتها بين يدها وداتها معاها لبيتها حطتها فالفراش وغطاتها مكتبغيش تخليها بوحدها .. مشات بدلت عليها وزولات مكياجها.. بغات تنزل حتى تفتح الباب ودخل خليل كايفتح ازرار الشوميز بعياااء ..
أنت تقرأ
خطيئة العشق
Action💫#مكتملة💫 #خطيئة_العشق كتابة: زينة الحراق - قصة بسيطة بطابع درامي .. رومانسي .. كذلك واقعي .. كتبتها بحب .. وبغيتكم تقراوها بحب .. خيوط خطيئة العشق قدام .. هي خطيئة عشق من الماضي .. واللي بسببها غادي يجيو أشخاص آخرين و غايعاودو يحييوها بطريقة آخ...
