"لـــقاء األحــــبة"
كانو گاع الناااس موجهين نظرهم فين كيشوفو وكلهم كانو تيشوفو لجهة خليل...لي كان واقف بعيييد بإبتساامة عريضة كيدووز عينيه علييهم كيتسنا فوقاش يعنقهم.. طلق منهاا.. وتقدم بخطواته القدام حتى كانت زكية مشااات كتجري لعندووو وتبعاااتها نجااااة جامعة قفطانها.. عثماان لي وقف وشد فيد ندى مزير علييييهااا وداااهاا معاااه ما بغاااش يخليها وراه حيت كيعتبرها نصو الثاني وهي دابا مراتو وفرد من عائلتو الصغيرة وتاهي عندها حق تكون وسطهم..
خليل لي كاااان معنق نجاة من جهة وزكية من جهة وهو حاني لمستواهم.. مزير عليهم فحضنوووو.. وتاهوما مزيرين علييييه يعنقو فيه كامل عنكشووه وهو غير مبتاسم تاهو توحشهم ما كانتش
ساهلة عليه يخليهم وراااه ويمشي ما كانش ساهل عليه يبدا من زيرو.. و ويوقف على رجليه عاد يرجع تاهو تقهر على فراقهم وعرف غيابو كان صعيب عليهم...
معانقين ألـسنتهم صامتة وعينيهم خارج منها لهيب إلاشتياق.. وحتى المصور لي بدورو ما ضيعش الفرصة باش يجسد هاذ المشهد العائلي المليئ بالاحاسيس.. كيف ام حاضنة ولدها لي غاااب عليهاا شهوور
كثيرة.. واخت حاضنة خوهااا.. لي كتعتبرو توأم روحها.
وعتمااان لي كااان واقف مبتاااسم وعينه كيلمعوووو.. كيتسنا دورووو باااش يعنقو.. يعنق. خوووه لي شحاال توعد ليه باش عمرو يشوف وجهو ولا عينيهم يتالقاو من جديد.. ولكن كتبقا الغريزة ألاخوية غالبة
على جميع ألاحاسيس..
نجااااة وزكية بعدو عليه شادين فبعضهم كل وحدة مسندة على لوخرااا وعينيهم عامرين بالدموووع.. خلاو ليه فسحة فين يتنفس.. ورجع شااااف لعثماااان شوفة مطووولة ما تعدااااتش ثوان قلال حتى كان
خطى جهتوو وعنقوو عنااااق رجوووولي..كيضربو على كتااف بعضهم بحرقة من كثر الشوووق...
عثمان بعد عليه قابلو معااه كيشوف فيه بعينين كيلمعوو
عثمان:خويااا صغييير
تبسم ليييه بشوووق
خليل:مايمكنش نفوت علياا منشوفش خوياا عرييييس مبروووك عليييك وفرحت لييك بزاااف
عثمان خنزر فييه تقول ماشي هو لي كان غايحماق باش يشوفوو
عثمان::كون ماجيتيييش كون مشيت لتما وجبتك بزز مننننك كتفشش علينااا ولا شنوو
خليل ضرب على يدو كيضحك عارف خووه كيعبر على الاشتياق ديالو بلغوات
عثمان:صافي صافي تهدن مالك شعلتيي هههه
عثمان قاطعوو بلهفة :توححشتك الحم.ار..
خليل: ههه حتى انا
رجع عنقووو وزكية ونجاة كيشوفو فيهم ودمووعهم سابقينهم ...ندى لي كانت جاياا غير شافها خليل بعد على على عثمان وعطاها يدو سلمات عليه وهي كضحك فوجههو وفنفس لوقت بالها مع خولة
خليل:مرات خويا لغزاالة مبروووك عليييك
ندى:الله يبارك فييك اخويا خليل فرحنا لي جيتيي
أنت تقرأ
خطيئة العشق
Acción💫#مكتملة💫 #خطيئة_العشق كتابة: زينة الحراق - قصة بسيطة بطابع درامي .. رومانسي .. كذلك واقعي .. كتبتها بحب .. وبغيتكم تقراوها بحب .. خيوط خطيئة العشق قدام .. هي خطيئة عشق من الماضي .. واللي بسببها غادي يجيو أشخاص آخرين و غايعاودو يحييوها بطريقة آخ...
