خطيئة العشق

74

فالرياض.....

جالس بهدوء .. وحاني براسو ملامحه جامدة ، ونظراته باردة ، الواحد مايقدرش يعرف شنو تحت راسو .. كايلعب بتيليفونـها فوق لاطابل .. وهي قدامو كتفرك آصابعها بتوتر .. هدوئه مخوفها ومخليها ممرتاحاش من جهتوو.....

تنهدات بضيق وقاطعات صمتهم بكلامها..

خولة: خليل واش غانبقاو نتسنااو خلينا نقلبو عليهااا ؟؟ 

مجاوبهاش باقي بنفس وضعيته غيرما كيزيد يخلعها .. عارفة هاد الحالة ديالو شنو كايجي من وراها .. نااضت جلسات حداه وحطات يديها على كتفو...

خولة: خليل ماديرش لياااا هاكاا !!

هز فيها راسو وركز عينيه لحومر فعينيها .. ونطق بهدوء وهو كايضرب تيليفون ببطئ على لاطابل...

خليل: خليناها فداار رجعنا مالقيناهااااش!! (تبسم بسخرية) ولكن انا لي حمااار خليتها بوحدهاااا..

خولة: (علات حاجبها باستفسار) شنو كتقصد !

خليل: (ضغط على الحروف بغضب) لي كنقصد هو سيدة بلعانييي ماباغاتش تمشيي باااش دير لي عليها  .. لا ومخليا تيليفوون فالداااار باش منصدعوهاااش (ناض من مكانه كايمشي ويجي)  كان تايسحاب ليا دارت عقلها...

خولة: (ناضت تقابلات معاه ونطقات بحدة) اشهااد الهضرة ختك معرفتيهاش فين كاينة دغيااا حكمتي عليهاااا؟؟

خليل: (حمر فيها ونطق بنبرة قاصحة) مخلييت فين قلبت مكاينااااااااش ...

خولة: (قاطعاته بانفعال) خاص نزيدو نقلبوووو  ولا نسولو شي واحد كتعرفو (سكتات كتفكر ورجعات كملات كلامها) شنو بان ليك نسولو يوسف...

خليل: (بسرعة شاف فيها وغوت فوجها) هي شنو غادير  عندووو  !

خولة: (بلعات ريقها بتوثر) معرفتش احتمال وصافي .. يقدر يكون شافها ولا شي حااجة ماتنساتش بلي بينااهم ولد يعني عادي يشوفها .. ماشي ضروري داكشي لي فبااالك...؟

خليل: (مسح على راسو كايمشي ويجيي بغضب)  انا ماباغييش نفكر مجرد التفكييير  بلي ممكن تكوون معاه حيث انقتلها.....

خولة:  اصلا شحال من مرة داها بزز منها .. يعني احتمال كبير تكون معاه شوف لحال مشى والحال ظلام خليناا نشوفوو مغانخسرو والووو  عفااك اخلييل..

شاف فيها بغضب وهو كايفكر .. فلاخير  كاتبقى ختو وضروري يقلب فاي بلاصة ممكن تكون فيها .. لمهم يلقاها مايهمش فين.. هز سوارت وزاد خرجات خولة  تبعاتو حتى وقفها كايطلعها ويهبطها باستفهام...

خليل: ونتي علاش تابعانييي ؟؟

خولة: (خرجات فيه عينيها بعصبية) والله ما نخلييك بووحدك خصوصا انك غادي تمشي تشوفوو دير شي موصيبة تانيي...