خطيئة العشق

79

- صباح اليوم الموالي..

متكية فالسرير على جنبها ويديها كاتساريها على وجهه بحنان وتامل فيه بعينيها .. وهو غارق فنومه قربات طبعات قبلة على جبينو ويدها فشعروو الكثيف .. فتح عيونو بثقل على اثر لمساتها الفوضوية ..

رجعات تكات فمكانها بابتسامة ونطقات بنبرة هادية...

خولة: صباحوو

خليل: (حك عينيه لي منيمين ونطق بصوت مبحوح وهو مغمض عينيه....)  فايقة بكري ليوم..

خولة: (تنهدات براحة) خاص نولي نفيق بكري ونكون نشيطة من ليوم  ولادي جايين خاص نكون ام مسؤولة .. وحتى نتا اخليل خاص نديرو بروكرام لحياتنا ونرتبو وقتنا راك عارف دراري  خاصهم جو ملائم وحنى خاص نقادو ليهم هاد الجو (ضيقات عينيها) انا وياك بحال زوافرية  نعاس مع 3 ولفياق مع 12 تا ماكلتنا مكاناكلوها فوقتها وهادشي مصالحش وبلا مادير فيا دوك شوفات كانهضر من نيتي...

نطقات كلامها بجدية و هزات راسها بتعالي  وهو فتح نص فعينيه مضيقهم فيها ..

جلس فكانه كايتكسل تنهد بملل وهو كايقلب على لبواط ديال لكارو بعينيه ..

خليل: فين زمرر كااان فالخرااا...

ضحكات بفقصة حيت تجاهل كلامها تنهدات وقربات جلسات على رجليه وحطات يديها على دقنه  كاتمرر صباعها بحنية  وهو ميل راسو فيها جاتو فشكل هاد صباح..

خليل: بغيتي شي حاجة؟

خولة: (بتسمات وحطات راسها على كتفو وهي كاتلعب فلحيته) شنو غانبغي مزاال وانا عندي نتا !

خليل: (تبسم وحط يديه على بطنها  ونطق نبرة غريبة)  زعما مندمتيش حيت عرفتني..

خولة: (هزات فيه راسها ونطقات بحدة) شنو هاد الهضرة تاني (صغرات عينيها فيه) ندم على كلشي الى نتااا  ديرها فبااالك (قلباات عينيها) قاليك واش ندمتييي ياكما باغي تهنا مني وكاتسناني ندم؟ (شنقات عليه بديها) نتا بالضبط واخا نشوف منك غير لخاايب مندمش حيت عرفتك غير رتاح 

خليل: (بجدية) غاتبقاي صابرة عليا واخا انا هاكا؟

خولة: (هزات يديها كاتلعب فشعره ونطقات بصوت حنين)  انا بغيتك حيت نتا هاكا (لفات يديها على رقبتو) انا عارفاك دابا معصب من راسك  حيت مقادرش تشوفها ولا تشوف ولدها (تنهدات) ختك هاديك واخا تكون مقلق منها  خاصك...

خليل: (قاطع كلامها بهدوء وهز يديه رجع ليها شعرها مور دونيها ) ما باغيش ندوي فهادشي واخا!

خولة: (قبلاتو جنب فمو ) صافي بلا ماتعصب هاني ساكتة (ركزات فيه نظرها بحب) غير باش ماتبقاش تسولني بحال هاد الاسئلة مغانقوليكش انا معاك ديما !  حيت  انا  وليت فيك ومنك ..

كان ساهي فيها وهي كتنطق بكلماتها ليه  خلات احساس زوين يداعب قلبه من ديما كايشوف حبها لقوي ليه ومدى تشبتها بيه رغم عيوبه الكثيرة وشخصيته المريضة ..  بغاتو بكل ما فيه وحبها ليه غير مكايزيد يكبر حتى اللحظات لي كايكون كايشوف راسو انسان خايب كاتشوفو هي احسن شخص فالدنيا...