خطيئة العشق

86

وصل الليل كان الجو صيفي دافي نزلت من طموبيلتها بكامل اناقتها وستيلها المعتمد... توجهت للباب وهي كتمشى بخطى تابثة فتحت الباب ودخلت البنات غير لمحوها وهوما يجيو كايجريو كايرددو ماما بصوووت عالي ترماو فحضنها بتلاثة معنقينها بقووة كايبوسها ويلعبو فشعرهااا...

اسماء: ماماا عفاك متبقاااايش تخلينا بوحدنا...

شيماء: وي ماما توحشناااك بزاف ونهار داز خايب بلا بييييك والله...

عفاف: بصح امامي علاااش مشيتي علينا ...

خولة: (كاتبسم ليهم) مشيت نشري ليكم شي حااجة زويييينة ...

عنقوها بالجهد كايضحكو ومتحسين...

خولة: سيرو  لطموبيل راه مفتوحة غاتلقاو گاع لي كايعجبكم....

مشاو كايجريوو لطموبيل لقاوه اللور عامر بالالعااب والدميات والشكولا .. كل وحدة هزت علاش قدرات ودخلووو فرحانين.....

خولة يالاه بغات طلع فالدروج وهي تلمحو نازل طلعت فيه عينها وهو نازل دقة دقة على ملامحو الهدوء عكس العافية اللي فالداخل ديالو... قرب ناحيتها ونطق ببرود مصطنع..!

خليل: على سلامة! (بسخرية) آ مدام...

ما جاوباتوش تفاداتو بغات طلع وهو يشدها من معصمها حتى دارت شافت فيه...

خولة: (فكت يدها منو بهدوء ونطقت بهدوء اكثر) الله يسلمك...

دارت ابتسامة جانبية وطلعت الفوق بهدوء ، دخلت للبيت رمات صاكها وحيدت صباطها حاسة بالعيا فتحت صداف الشوميز قبل ما تحيدها دخل جاعر زادح موراه الباب حتى قفزها...

خليل: بغيت غاانعرررف داااك لعقل شنوو عندك فيييه؟؟؟

خولة: (بهدوء) داكشي لي عندك نتا....

خليل: (قرب عندها) راااه هادشي لي كاديري فيه اخولة ما مسلكش (جر خصلة من شعرها بلا ما يحس) مااا عنديش انا لمراا  لي تخرج نهار كلووو بلا خبااااااري...

خولة: (بلعت ريقها كتعوج فعنقها) هااا هي ولات عندك..

خليل: (كايضحك بالغدايد يد على خصرو ويد كايمسح بيها على وجهو وشعرو) مزياانة هاذي؟ تخرجي فالصباح مخلياااني بحال لحمق وبناتك مخلياااهم بلا متسوقي ليهم...

خولة: (ردت ببرود وحرقة فقلبها) ياك قلتي بناتك بوحدك .. ونتا تعرف مصلاحتك؟ دونك شنو غايفرق  وجودي ولا غيابي؟؟؟؟

خليل: (خفض نبرة صوته) مااا تقولينيش شي حاجة مقلتهااااش نتي عارفاااني شنو قصدددت اخولة...

خولة: وي عرفت شنو قصدتي داكشي علاش فهمت راسي وانسحبت (بسخرية) وخليتك منك للبناتك لي نتا بوحدك لي كاتعرف مصلاحتهم (تغرغرو عينيها ورقاق صوتها) ونتا بوحدك لي كاتخاااف عليييهم ..