خطيئة العشق

الجزء 43

صباح جديد..

كانت ناعسة على سرير معلقين ليلها سيروم.. بوجه شاحب وتحت عينيها كحل باين فيها الارهاق وملامحهاا  ذابلين..بعد الانهيار العصبي لي تعرضات ليه ليلة لبارح جابها عثمان لصبيطار وهو كولو خوف عليهاا ..فاقت وراسها عاطيها لحرييق حلات عينيهاا حتى ضرها شعى ديال ضووو..دورات عينيها فلمكان وبزاد الاحداث لي فاتت كتسلل لذاكرتهاا.. سرطات ريقهاا وتنهدات بالم  حسات باحسااس خايب  فاش فاقت وتاكدات بلي داكشي وقع بصح ومكانتش كتحلم ...تگلسات فبلاصتها  وقلبها ضرها وكل تنهيدة كطلع كتحرقهااا بحال شي عافية مكتاكل فيها..لمحات خولة ناعسة بعيدة عليها فلكانابي ..متسوقاتش ليها رجعات راسها تتشوف لسما زرقة وصافية  من سرجم لي قدامهاا..تمنات  ديك سما لي طلع عليها ضوو ومحى السواد لي كان مخيم عليها..تكون بحالها وتخلي حتى هي ذكرياتها معاه لي كتالمها وجروحهاااا لي فقلبها يمشيو مع ظلام ليل.. وتفيق وتلقى راسها تاهي برات من دوك الجروح..خولة فاقت مخسرة سيفتهاا  معا جات فصباح بكري داها نعاس غير بانت ليها ندى فايقة ناضت  طايرة لعندها گلسات حداهع وشدات فيديها بخووف

خولة:ندى على سلامتك اختييي..خلعتني عليك(كتبحث فملامحها بخوف) شنو عندك مفهمت والو عيط ليها عثمان فصباح نجي نگلس معاك  حيت خرج على شي حاجة.. لقيتو  بايت حداك مسكين حاالتو حالة بزز واقف على رجليه اويلي شنو طرا بينااتكم ونتي من امتا كتعصبي هاكا(شافتها مكتجاوبش معاها خلعاتها وزادت كتحرك فيها)  شوفي فياا  شنو هاد لحالة دايرا فراسك ?

ندى دورات راسها تتشوف فيها بملامح ممحية وعينيها منفوخين مسمعات والو من داكسي لي قالت ليها خولة كان عقلها غايب ..نطقات بروود

ندى:تعرضت لضربة قاصحة  اخولة ..ضربة طيحااتنيي وقتلاتنيييي
خولة:(بنظرات استغراب) اشمن ضربة !! واش دابزتي نتي وعثمان يااك?  عادي راه اي جوج كيوقعو بيناتهم المشاكيل..ونتي وياه راكم عاد كتفاهموو هادشي دابا يدووز
ندى:(باستهرااء) مابقاتش شي حاجة سميتها انا وياه..

خولة تنهدات عارفة تاهي بلي شي حاجة كبيرة  وقعات بيناتهم حيت من حالتهم كلشي باين ولكن ماباغاش ضغط عليها وتعاود ليها دابا ..فضلات تخليها على خاطرهاا..جبداتها عنقاتها عندهااا كطبطح على شعرهاا وندى بحال لي لقاها فرصة باش طيح دموعهااا ....فصدرهاا..

خولة:دابا كلشي يفوووت  اختي.. راه الضربة لي مكتقتل كتقوي 
ندى:(بصوت مخنووق ودموعها كيقطرووو من جفونهاا ) مكتقتلش ولكن كتقتل فيك بزاف ديال  لحوايج لداخل...كتخليك بقلب معطووب وروح ميتة...كتفقدي راسك واستقراارك....(شهقات بحرقة وعلات راسها فخولة لي مصدومة فيها)  انااا عاد فهمت نهعو كنتي كتقولو ليا كلشي كيتنفس ولكن ماشي كلشي حي...  كتنتفس ااه ولكن كنحس بروحي خرجات ..كنحس براسي معايشااااش.. كلشي باهت وكحل.. قلبييي كيضرني اختيييي  كيضرنيييي...