خطيئة العشق

الجزء 2️⃣

✍🏻💫 خطيئة العشق 💫
طــوفان الــذاكرة

فنفس الدقيقة دخل الخصم ديالو لا يقل عليه قوة داخل بكل عجرفة كيشوف الفوق .. وكيهز براسوو لمشجعيه .. دخل للحلبة وجه نظرو لخليل كيتبادلو النظرات هضر الخصم فوذن خليل بإبتسامة جانبية على فمو...

__ آهلا من نهار نساحبتي وانا شاادني الملل المنافسة كتكون حلوة معاك....

خليل: (ضحك بإستهزاء وهضر بهدوء) توحشتي الخسارة كنظن..!

ختم هضرتو بغمزة ومشى لوسط الحلبة .. خلاه وراه عاض على سنانو وكارز على يديه ومشى  تاهو لوسط الحلبة .. علن الحكم على البداية وقفو قبالت بعضهم كيتبادلو اللكمات واحد كيضرب واحد كيغطي على راسوو .. كل جول كيفوز واحد ..

فلحظة غفلة من خليل الخصم لكموو لعنقوو فقد توازنو وطاح فلأرض دغيا جمع قوتو وناض بجسم غير متوازن مشى لزاوية الحلبة خل حتى قرب عندو الخصم وخوا عليه غير ضاار عندو عطاه لكمة وتهززز تال الفوق وضربو بلكمة لفك حتى غوت وشد على فكه  مقصح خليل واقف كيشوف فيه.. قرب الخصم موجع .. وبقاو كايتبادلو اللكمات .. وكل واحد التيكنيك لي كيخدم بيها .. الملاكمة ماشي فقط تدريب وانما ذكاء .. وبتكنيك ذكية قدر خليل يتحايل على الخصم ويعطيه بعض الضربات القاضية لي خلااوه .. يجيب الكاااوو فلأرض.. ضرب الحكم ثلاتة المرات فلأرض ما ناضش وهز يد خليل  معلن على الفوز وتعلات اصوات لي كانو كيتفرجو.. وكمال واقف كيشوف فرحان اصلا هو رابح فكل الحالات عندو نصيب من المراهانات.. قرب الكوتش عند خليل كيهنئو ومد ليه فوطة وقرعة الما شربها فدقةة ومسح عنقو بالفوطة وخرج من الحلبة  حتى دخل لڤيستير جا لكوتش كيدير ليه ثلج لجروح لي فوجهوو.. من بعد ما برد فيه دم دخل لدوش وخرج لبس سيرڤيط نواغ هز صاكادو ديالوو وطلع لطابق لي لفوق دخل لمكتب ديال كمال كان هو واحد الراجل مدو ليه ضرف خداه من عندهم ضرب عليه طلة...

كمال: لكمالة درزقك ومبروك عليك كنتمنى نشوفوك مزال...

خليل: (فقط تبسم ليه)

كمال: طلع معانا لفوق لاحتفال...

خليل :ماكرهتش ولكن خاص نمشي.. 

سلم عليه وخرج لقا الگارد  كيتسناه ركب فالطموبيل عطاه العنوان بعد مدة حطو قدام العمارة .. طلع فالدروج حل الباب ودخل لاح صاكادو .. وتلاح فوق فوطوي .. بتعب حيد جاكيط جبد تيليفونو شعلو لقا بزاف دلي ابيل .. من عثمان من جواد ومن عفاف دوز نمرتها هي لأولى كيصوني ليها ما جاوباتش عرفها اتكون ناعسة كاانت 4 صباح تقريبا .. دخل لتصاورهم بجوج بقا مدة كيشوف فصورها وهضر فنفسو....

خليل : كلشي كنديرو على قبلك نتي ... وعلى قبل باش نسد فم اي واحد بغا يفرقنا واخا يكونو الفلوس لي غيفرقونا غنجيبهم بأي طريقة...

هز الظرف جبد الفلوس حسبهم كان مبلغ كبير يكفيه ويشيط مشى خباهم فبيتو.... وتلاح نعس بعيااااء....