خطيئة العشق

الجزء 3️⃣2️⃣

خليل:( كيشوف لهشام لي راكب حداه)  ايوا نتا اتمشي معانا

هشام: انا ؟

خليل: وي

خولة:( تتشوف فيهم)  الاا هو راه ما كيرتاحش فشي دار من غير دارو..

هشام:( دور وجهو جهتها مصدوم) أناا؟؟؟

خولة:اااه نتااا ياك ما كترتاح غير فبيتك و وسادتك؟

هشام: على انا عندي بيتي؟ ياك كنعس فصالون..

خولة:( تتعوج فمها وتغمز ليه وتهضر بهمس)  سير قود عليا باغي تلصق ليا فزكي من دابا.

خليل:( تيصووق گاع ما انتبه ليهم.)  هشام يالله معانا حيت هاد خيتي خاص تنعس بكري ضرب كتف هشام)  وانا كيعجبني الوناااسة فالسهير..

هشام: ( تبسم ليه وشاف فخولة كيقلي ليها سم)  اييه مرحبااا نمشي تانا تيعجبني نسهر....

خولة: ينعس عليك جناب نتا وياه بيت نسههر على قبرك..

خليل: نعااام !

خولة:( بتبتسامة صفرة)  ما هضرتش.. نمشي لدار ناخد حوايجي.. ولا عرفتو ديوني لداري وسيرو سهرو..

خليل:( كيضحك عليهاا)  واخا الشاف
من بعد ما مشاو لدار خولة خدااات حوايجهااا..  بعد مدة عاد وصلو لدار خليل كلشي عيان لا هشام لا خليل.. من سهير والعيا د نهار لي فات..
اأما خولة واخا مريضة لسانها ما كيمرضش كتبقا تهضر لاخر انفاسها..
خليل گلس هو هشام فوق الكنابي عيانين.. وخولة مزال واقفة كدوور عينها فالدار واخا ديجا جات ولكن جابها بزز ما كانتش مرتاحة بحال اليوم جايا بخاطرها.. كاانت دار عادية وجد بسيطة بحال شي فيلة
صغيرة وحتى ديكور والفراش عادين والالان غااامقة ما فيهاش شي توش ولا لمسة انثوية..

خولة: ( دايرا يدها على خصرها) فيا جوع

خليل ناض لعندها شدها من يدها وداها جهة البيت لي كااانت فيه آخر مرة.. فتح الباب ودخل قدامها وهي بقااات وراه كتشوف فالبيت لي بقا كيف خلاتووو... خليل رجع لعندها وهزها حتى قفزات وحطها على الفراش..

خليل:خاااص ترتاحي.. ولي بغيتيها قوليهالي..

تحنا على ركبتوو كيفتح ليها الخيط دصباادري.. وهي غير كتشوف فيه بإستغراب حيت مرة مرة ولا كيصدمها بشي صفاات فيه أول مرة كتكتشفهم.. حيد ليها صبادري وشاف فيها لقاها مزاال كتشوف فيه سااهية..

خليل:( دوز يدو قدام وجها)  فين سهيتي..

خولة:فيك

خليل: عذرتك صراحة..

خولة:(  شداتو من حنكو بلطافة)  راااه غير سهييييت..

خليل:وراه عندك فاش تسهاي نتي لي تسهااااي العمر..

ناض تيضحك.. وخلاها مزااال تتشووف فيه ودايرا نظراات غريبة..

خليل:شنو باغا تاكلي..