خطيئة العشق

65

يوم جديد..

كانت لابسة عليها كتستاعد تخرج ما بقاتش حاملة تجلس فالدار.. تحط يدها على خذها وتبقى تخمم.. من بعد ليلة طويلة دوزاتها فالتفكير  عينيها مغمضوش فكرة انه وقف قدامها وطلب سماحة بحال لي دارو ساهل .. تنهدات بتعب هزات صاكها باغا تخرج تقلب على خدمة مابقات باغا تعول على حد باغا تعتامد على راسها وتغير من شخصيتها .. غير فتحات الباب وهي تصادف نجاة  كانت داخلة عندها دايرا فيها نظرة جامدة .. زكية  راجعات للوراء ..

نجاة: جيت لبارح عندك باش نهضر معاك لقيتك نعستي (علات حاجبها) ولا كنتي دايرا راسك ناعسة...

زكية: (دورات راسها كتسوط بملل) فاش هضرتوو لبارح .. وشنو قاليك  !!

نجاة: مسوقكش (تنهدات بفقصة ) نتي لي جايا  معاه حتى لباب دار مخفتييش خوتك يكونو هناا (ضغطات على الحروف بعصبية) ولا مكاتهناااايش الى منوضتيييش صدااع...

زكية: (ردات شعرها بعصبية  ) راه هو لي جا مقدرتش نمنعووو شنو ندييير اوففف برااكة متبقاااي ضغطي عليااا لي فيا كافينيي...

نجاة: (شداتها فدراعها كتحركها وهي مغددة عليها) ولد كرشييي قالب عليااا وجهوو وكلشي من تحت رااسك .. فعايلك لي وصلونا لهااد لمواااصل خفة رجلييك  دارتها ليك ابنتي (طلقات منها كترعد وزكية واقفة بجمود قدامها وقلبها تزير من الكلام لي سمعات)  سيد بان ليا مصر على هضرتو باغي يرجعك .. وكيقوول ولدو خاص يكبر معاااه..

زكية: (قاطعاتها بانفعال) خليييه يحلم ولدي هو لي منخليهش لييه.. وانا مرجعش ليييه واخا يقتلووني..

نجاة: (حقدات فيها نظراتها ) فييك غير اللسان ..كنقوليك سيد كيخرج فيا عينيه وكيقوليك ولدي ولدي ..
واش اتحرميه من ولدو!! وخليل شنو ديري معاه !!

زكية هزات فيها راسها بنظرات استغراب وضيقات عينيها ..

زكية: (بنبرة حادة ) شنو كتقصدي بكلامك كيفاش واش نحرمو من ولدو ياكما باغاني نرجع ليه!

نجاة: (بلعات ريقها بارتباك ) ح حيت جاني مقصح راسو ومناويش يطلقك..

زكية: (رفعات صوتها بغضب) هاد لولد لي هو باغي يكون ليه اب راه نكرو واحد نهااار  وخليل لي دارها انا معااااه حيت هو  الوحيد لي كيفكر فمصلاحتي..

دازت فيها وكملات طريقها كتنهج وقلبها كيضرب بوتيرة سريعة بكثرة متعصبات من كلام مهاا  خرجات من الباب عاد تنفسات  كملات طريقها هزات راسها وهي تلمحو متكي على الطموبيل كيشوف فمنحى واحد وكينتر من لگارو ونظارااات شمسية فعينيه .. صغرات فيه عينيها  وكملات طريقها  كتسوط  ..غير شافها لاح لگارو وزطم عليه و وقف كيطلعها ويهبطها .. وهي كملات طريقها ممسوقاش ليه..

يوسف: (حيد نظراتو وتمشى لجهتها بخطى تابتة ونطق بطريقة مازحة) الغزالة !!

تقدم ناحيتها كثررر .. حتى ولا كيتمشى فجنبها...
يوسف: واش غانعيشو داكشي لي معشناهش شحااال هاذي اممم.. المراااهقة د****