خطيئة العشق

الجزء 7️⃣

خطيئة العشق
💫 الفصل الثاني: حرب مسلوبة الراء 💫

لابسة كسوة قصيرة ديال الدار فوق الركبة كايباانو منها فخاصها وبشرتها السمراء .. لابسة كلاكيط نواغ فرجلها وخلخال فضي فرجليها لي مصبوغين بالأحمر...  شعرها الاسول جامعاه كعكة مهملة الفوق.. رافعة يديها كتنشر لحوايج فالنشار والشمس ضاربة فعينيها القهويين... كتنشر وتغني عندها حلق ديال العونيات..

__ وااااابعدو عليييه هداااك الوليد وتاع مالیه.. واابعدو عليه وهدااك خووووكم وراه تاع ماااليه.. واخوكمااااااه .. واخوكم البنات
وااااخوكماه .. حط السلاح ومعايا مرتااااح.. (كانت كتنشر واحد سروال وهو يطيح ليها من يدها تحنات هزاتو وهي مكملة كتغني معصبة) وابعدو عليه ابناااات
ال*حاااااب راه لي قربات ليه نخور ليها عينها...

خرج راسوو من بيتو لي فالسطح كايشوف فيها.. عاضة على مقابط النشير بفمها .. تمشى لعندها ..
كانت ساهية تا خرج ليها من بين
لحوايج تايضحك...

_ صباح الخوخ لي خلاني ندوخ..

قفزها حتى لاحت المقابط من فمها ونطقات بزربة...

__ آهيااا زوووك لقااايد (نزلات عليه) زمر هشااام كانقولك ما تبقاش تغفلني شي نهار
نشير عليك بشي حاجة..

هشام: القايد غايجي يديك مكوعطة من كثر ما كتجبدي ليه زكووو.. آ خوخة...

خوخة: ياك ما کنجبدش ليك زوووكك.. اه نسيت نتا ماتکسابوش کارم بحال الوقيدة.. بقا تاكل الحلبة أصگع راه تا حنا لبنات تيعجبناا اللحم وما نصرفقو ماشي غير نتوما..

رجع شعرو اللور کيشوف فصحتووو ورجع شاف فيها...

هشام:  رااه حنا الرقاق کايکون
عندنا متریال صحیح ماشي بحال صحاب العضلات کیکون بحال بكية شيبس من برا کتبان لك كبيرة غير تفتحيها كتلقاي فيها غير
شوية....

طلعاتو وهبطاتو دارت ضحكة الشيخات ورجعات کتنشر وتهضر..

خوخة: کتبرد على راسك
الكتاب كايبان من عنوانو أبو حبوبة...

هزات سلة ودارت باش تمشي خلاتوو كايحك راسو ما فهمتش كيفاش بوو حبوبة..

نزلات فالدرووج کدردك ودخلات لداار لي كااانت عادية وصغيرة فيها غير بيت وصالون محلول
وكوزينة وحمام صغااار لاحت الشبكة وتلاحت على كرشها كتلعب برجليها شادة
مرايا كتشوف فوجها لاحت المرايا وناضت مشات لكوزينة كتقلب عليها لقاتها واقفة کتقاد طاجين..

خوخة: واااازمر واا ندى حطيلنا نتغداااو...

ندى لي كانت لابسة بيجامة  وشعرها لاسود جامعاه
كعكة مهملة بشرتها بيضة وحروفها كحلين...

ندى: نتي ما فيكش البرد اويلي..!!

خوخة: ما فياااش راه كاينة شمش..