خطيئة العشق

الجزء 2️⃣0️⃣

خليل: تزوجي بيا أخولة ؟

طلعات عينيها فيه بصدمة.. كتفتح عينها وتسدهم حاسة براسها فشي حلم.. ما متيقااش شنو سمعوو ودنيها..

خولة:ههه شنوو قلتي ؟

خليل: (جمع وجها بين يديه) قلت لك واش تزوجي بياااا...

بقاات مدة تتشوف لوجهو من بعد هبطاات عينيها فكات وجها من بين يديه ورجعات شافت فيه..

خولة: و شنوو تبدل من دااك نهاار لدابا؟ شنوو تبدل من نهاار لي قلتي لياا نسااو لي وقع بحال ماااا عمرو كان..؟ شنو تبدل أخليل واش لهاذ درجة تنبان لك انني نستاهل تلعب بيا ؟

خليل: (هبط راسو لمستواها وتيهضر بهدوء متجاهل كلامها لاخير) أناا براسي ما عارفش شنوو تبدل.. بالله أخولة ما عارف...

خولة: (ربعات يدها وهزات راسها تتشوف لعينيه نيشان بحال لا تتحاول تقرا شنو فيهم) علااش باغي تزوج بيا ؟ وااش بااش ديرني مونيكة.. ولا باش ترضي ديك لانانية لي فيك..(خفضات صوتها وجمعات فمها بآسف) ولا بااش دير فيا خيير زعما وتخرجني من هادشي لي أنا فييييه..

خليل وقف مصدوووم من هضرتهاا .. ومن ردة فعلها لي ما كانش متوقعها..

خليل: (بعد عليها تيغوت عصباتو بهضرتها) انااا براسي ما عارفش علاش باغي هاد الزواج ولكن لي عااااارف ماااشي على قبل هادشيي لي قلتي دااااابااا ونتي عارفاني ما كنفكرررش بهاذ طريقة...

خولة:ههه واش تنباااان لك حمقة؟ حمااااارة...؟ (شارت ليه جهة راسها) عندي ودنين هناااا.. علااااش ما فكرتي تزووووج بيااا حتى قلت لك انااا باااغا نبني حيااة جديدة وندير عااائلة عاد جاتك طلب مني الزوااااج.. (حطاات صبعها وسط صدرو) نتا.. وااحد أناااانييي ومتناااقض نتاا كتستغل خوولة بااش تبقااا قريييب من وجها لي بحاال مراتك وصافي..

خليل: (خبط يدو فالحيط وهضرر بالغوات) ماااااشي هاااادشي...

خولة:لااا على هادشي ولا شنو غايكون سبب حيت كتبغيني وباغي تكمل حياتك معايا مثلا ولاا... (ضحكات بفقصة وعينيها مغرغرييين ونبرة صوتها ارتافعااات) حيت باغي تردنييي عفااااف اخليييل باغي دفننني فهاد زواج..

خليل قرب ليهااا كيتعصب فاش كتقوليه هاد الهضرة..

خليل: مكايناش هاد الهضرة ابنادم كيفاش باغي ندفنك؟  ما كنشوفكش عفاف علاش ماباغاش تفهميييي ..

ركزات نظراتهاا فيييه بحدة...

خولة: ولكن منسيتيهااااش متكدبش علياا..

خليل: (سكت لوقت طويل ما قدرش يجاوبها حيت ما عندوش جواب) مااا كنشوفكش عفاااف يمكن مقادرش نفسر شحال من حاجة من جيهتك ولكن حاجة وحدة متأكد منها (قرب لودنها ونطق بصوت منخافض) نتي بنسبة ليا خولة.. (رجع لودنها لوخرا ونطق بنفس نبرة) نتي خولة.. شي حاجة كثر من هاكا ما نقدرش نگول.