خطيئة العشق

70

دازت ديك الليلة ثقيلة .. خصوصا زكية لي منعساتش بكري طار ليها نعاس بقات سهرانة مع افلام تال لفجر .. فتحات عينها اول حاجة هزات تيليفونها ضرب دورة فانسا.. حتى لقات بزاف دالمكالمات .. من عند حمزة لي بقات كتواصل معاه مؤخرا  فاطار الصداقة .. ومعاودة ليه باللي كانت مزوجة وطلقات بدون مدخل معاه فالتفاصيل.. رجعات صونات ليه بسرعة جاوبها...

حمزة:  حبيبة..

زكية: (بحدة) كانقوليك ماتبقاش تقولي هاد الكلمة...

حمزة: واخا واخا متعصبيييش فينك بغيت نشوووفك..

زكية: اممم دابا

حمزة: ااه قولي ليا فين نتي ندوز عندك !!

زكية: واخا صبررر واحد ساعة هكاك و نقوليك لبلاصة فين تجي عندي..

قطعات عليه وناضت غسلات وجها ونزلات فطرات عاد طلعات  كاتبدل عليها قنطانة وباغيا تخرج تفوج .. بالنسبة ليها مدام طلقات فمنحقها ترجع  تعيش حياتها كيف بغات ..
خرجات كاتزرب فخطواتها حتى طلاقات بخولة فطريق...

خولة: (كطلعها وتهبطها) معروضة لشي بلاصة

زكية: (كدور فعينيها بتوتر) اااه بغيت نخرج نشري شي حاااجة انمشي  دغيا ورجع..

خولة: (بعدم تصديق) ومتعطليش ازييين... ونجاة الى سولاتني شنو نقوليها

زكية: ( زفرات بملل مشات كتهضر)  قولي ليها مشفتهااااش

_____________

كاتمشى بخفة وتلعب فخصلات شعرها  حتى لقاتو كايتسناها متكي على دراجة نارية من نوع BMW S 1000 rr  فتحات فمها بذهول وهي كتقرب ليه وتساري نظراتها باعجاب على لموطور... 

زكية:  واااااو على موطووور  احمزة منين دبرتي عليه..

حمزة: (هز راسو بتعالي) شريتها ازييين ولا ماشي ديال وجهيي...

زكية: (هزات فيه راسها مقوسة حجبانها) ومنين جاوك لفلوس

حمزة: راه ماشي شي حاجة كاين ما حسن منو  خاصني غير لفلوووس  (غمز ليها ) عجبك

زكية: (عضات على شفايفها) بزاااف

حمزة: تاهو عجبتيه وبغاك تركبي علييه..

زكية: (ببلاهة) شنو !!

حمزة: (طلع ركب ) الموطور ازكية الموطور  طلعي ركبيي نجيب بيك شي دورة بربي لا نتي اول وحدة تركب عليييه .. ههه كنقصد لموطور طبعااا ..

زكية: (بتردد) نركب زعما عادي واخا حاملة (حركات راسها باانفي ) لا لاا اتوقع ليا شي حاجة لولدي..

حمزة: اصاحبتي واش سحابك دوك لمواطر لي تركبي عليهم يتهزو بييك . راه مرييح فالركبة متحسييييش گااع  واصلا غانمشي بشووية وطلعييي خلااص ماتخافيييش غير تيقي فيا...