خطيئة العشق

53

💜لن يستقر قلبك بدوني 💜

تنفضات من نعاسها .. على اثر حلم اسود زاارها .. حطات يدها على صدرها كترجع نفسها ودموع فعينيها .. هزات يدها مسحاتهم بإستغراب .. كانت كتبكي فالحلم لبشع لي زار نومهااا.. حطااات يدها على كرشهاا .. ورفعاات راسها مخليا الهوا يقيس عنقهاا .. شعلات الضو لي فجنبها لبسات فرجلها وناضت بتتاقل للحمام وهي حااسة بالدوخة .. غسلات وجها و وقفات كتنشفو وتشوف فالمرايا .. والحلم لاسود مزال بين عينيها.. وحاسة بضيق كبييير فقلبها... تنفسااات بعمق وتمشات حتى لعندو حيدات عليه الغطاا شوية وقاااست وجهو كااانت حرارتو مرتااافعة بقات كتقيس فوجهو بخوووف خففات عليه الغطا ومشات جابت الما بارد وفوطة صغيرة كتبردها فالما وتحطها على جبهتو .. كاان مرة مرة كيفتح عينو ولكن سخانة رخاتو ما قادرش يتحرك ولا يهضر .. دوزات حداا راسو وقت طويل حتى هبطات ليه الحرارة عاااد ناااضت طلعااات الريدو كااانت وصلات العشية ... هبطات التحت توجد ليه شي حاجة ياكلها وليها حتى هي .. قاطع انشغالها صوت تيليفون مشات لصالون هزاتو وجاوبات كانت ندى كطمئن عليهم واش وصلو بخير .. كملات معاها لهضرة وتافقو غدا يدوزو عندهم ... خولة وجدات الماكلة .. وطلعاتها الفوق ما لقاتوش فبلاصتو حتى بان ليها خااارج من الدووش لابس حوايجو وشعرو فازگ ووعاقد غوبااشتو ..قربات شدات فيه بخووف

خولة: شوية؟

قاست حرارتو و شد فيها وجلس .. جابت فوطة نشفات ليه شعرو عاد جلسات ..

خليل: غنموت اخولة (رجع تكاا)

بقات مسمرة فمكانها كتشوف فيه .. وهضرتو كتردد فوذنها .. ما عرفاتش شنو وقع ليها هضرتو تخلطات ليها مع الحلم نفسيتها مهزوزة .. ما حسات غير بالدموع هابطين بوحدهم من عينيهاا تتمسح ويرجعو يطيحوو.. حس بيها ساكتة ورجع شاف فيها حتى كيتصدم من منظرها ما حس تا لقااا رااسو ناض وقرب عندهاا شاد وجها بيد واليد تانية كيمسح بيها دموعهاا ...

خليل: خووولة ! (حط راسها على صدرو) ماالك خلعتيني (رجع قابلها معاه كيسولها براسو بمعنى اش كاين ..)

خولة: (حطات يديها على يديه لي فوجها) معرفتش مالي (مهبطة راسها لارض تنهدات وشافت فيه) ما تبقاااش تجبد ليا الموووت (مسحات دموعها) وليت كنفكر فيها بزااااف اخليل ..... قبيلة تنفضت من نعاااسي شفت حلم خاايب ..

خليل: (هز يديه تيمسح لييها دموعها )الأحلام الخايبة غير من الشيطان آ خولة ..

خولة: (هزات راسها بلايجاب وتنفسات بضيق) كان حلم خايب بزاااف مابغاش يمشي ليا من بالي

خليل: (قلبو تجمع عليه ما لقااا باش يجاوبها ) ماديريش فبالك .. مكنبغيش نشوف هاد لعينين عندك ذابلين

خولة:(حطات يديها على يدو بتعب) ماتديش عليااا غير تفكيري مشوش وزاد هاد لحلم خربقنيي و تنحس براسي عيانة