خطيئة العشق

الجزء 2️⃣2️⃣

كانت زكـية.. فبيتها گالسة فوق الكرسي.. جامعة يدها عندها دايرة ليها الگبص.. تتشوف ليدها و تتفكر ف احداث ديال داك نهاار لي دازو بين عينيها بحااال الريح.. تنهدات فاش تفكرات هضرة يوسف فاشقاالها شاف لفيديو ديالها.. طاحت من عينها دمعة ندم.. وحصرة كرهات راسها وكرهااات خفتها لي خلاتها طيح فهاذشي...

قاطعها صوت الباب مسحات دمعتها بسرعة.. ودخالت نجاة لابسة جالبتها...

نجاة:نووضي راه تعطلنا على طبيب...

زكية:اففف امتا يحيدو ليا هاد الگبص راااه تيقرصني...

نجاة:زيدي نتي لي جبتيها فراسك.. وزايداها بالكذوب..

زكية: (ساطت بصوت مسموع تتلبس جاكيطها) وااس مزال ما بغيتي تيقيني راه قلت لك درت كسيدة كان ايضربني كاميو وسيد عاوني وحيت دفعني بجهد تهرست..

نجاة: (عوجات فمها فيها) هاااي هاااي شااروخااان وما دارهااااش..داك جامع لي قريتي فيه انا لي بنيتو..

زكية: (زادت خرجات تتغبن) انا ما تنعرفووش تيقي ولا ماتيقيش انجاة..

نجاة: وايوا وملي ما تتعرفيه مالك ملي سولك عتمان بديتي تفتفي وخليتيني تانا نكذب عليه وقلت ليه ضربها موطور ونتي علم الله فين درتي داك لكسيدة..

زكية:نااااري اماما شحال عزيز علي تكبري لمواضيع راه كسيدة داز عليها شهررررر وصرف اعباد هللا ونتي مزال تجبديها عليا..

نجاة:ايييه تنكبرهم ومزال انكبرهم و نعرف شنو تحت داك راس عنداك يحسابلك ناعسة على وداني راك بنتي وراني حااااسة بيييك مغيرة ومبدلة والقرايا هملتيها..

زكية رتابكااات ولات غير دور فعينيها... وتلفات الهضرة ومشات تتشد طاكسي....
بعد ساعات كانو راجعين وزكية ما عاجبها حال حيت قالها مزال ما برااات يدها مزيان وخلا ليها الگبص لي متقل عليها....

زكية: توحشت نحرك يدي وتوحشت الحمااام..

نجاة ما جاوبتهاش كااانت واقفة مصدومة ومصغرة عينيها تتشووف ونغزات زكية تاهي تشوف معاها..

نجاة:شوفي شوفي هاديك ماشي زهرة..

زكية: (تلفتات تاهي تتشوف معاها) و هي.... كتشوف فيناااا..!

زهرة شافتهم وهي تجي قاصداهم كان وجها شاحب وصفر باين عليها العيااا وقلة الراحة وحتى صحتها ضعافت بزااف وتحت عينها كحل لابسة عباية فالكحل لاويا عليها شااال....قربات ليهم حتى وصلاتعندهم تتشوف فيهم بمالمح بااهتة نجاة نغزات زكية باش دخل بحالها داكشي لي دارت دخالت وخالتهم بوحدهم واقفين مقابليين مع بعضيااتهم نجاة مزال تتحس بالكره من جييهتهاا باقيا كتحمل ليها هي وعفاف ذنب داكشي لي واقع لخليييل حتى بعد عليهم..