"မင်္ဂလာခန်း၀င်လို့ရပြီ "
"ခင်ဗျား "
သွင်က တစ်ခုခုအံ့ဩထိတ်လန့်ရင်ဖြစ်ဖြစ် သူ့ကိုအနည်းငယ် စိတ်ဆိုးသည့်အခါဘဲဖြစ်ဖြစ် ခင်ဗျားဆိုသော နာမ်စားလေးက ထွက်လာတတ်သည်။
" ကိုယ်တို့က ကြင်စဦးဇနီးမောင်နှံနဲ့မတူဘူးလား "
စက်နေရိုင်း၀တ်ထားတာကလည်း လည်ဂတုံးနှင့် ချိပ်ပုဆိုး။ မိုးသွင်၀တ်ထားသည်ကလည်း ရင်ဖုံးအင်္ကျီလေးနှင့် ချိပ်ထမီ။
" ကိုယ်မင်းကို အပြစ်မပေးရသေးဘူး ကိုယ့်ဆီက ထွက်ပြေးဖို့ကြိုးစားတဲ့အတွက်"
"အခုလည်း ရိုင်းရှေ့မှာဘဲရောက်နေတာမလား "
" ဒါက ကိုယ်ခေါ်လာလို့လေ
ထွက်ပြေးဖို့ ကြိုးစားတာက ကြိုးစားတာပဲ"
စက်နေရိုင်းက မိုးသွင်ကို ပွေ့ချီလိုက်ပြီး အိပ်ခန်းထဲ၀င်လာကာ အိပ်ယာပေါ်သို့ ညင်သာစွာ ချပေးလိုက်သည်။ ပြီးနောက် မိုးသွင်၏ ကိုယ်ပေါ်သို့ အုပ်မိုးပြီး နှုတ်ခမ်းများကို နူးညံ့စွာနမ်းရှိုက်လိုက်သည်။
"အာ့.. "
"ဘာဖြစ်လို့လဲ "
" ခေါင်းက ကလစ်တေက နာလို့"
စက်နေရိုင်းကြည့်မိလိုက်မှ ဆံပင်ထုံးဖွဲ့ထားသည်ကို ထိန်းပေးထားသော ကလစ်များ။
စက်နေရိုင်းက မိုးသွင်၏ ဆံနွယ်များကြားမှကလစ်များကို ညင်သာစွာ ဖယ်ရှားပေးလိုက်ပြီး ဆံထုံးကိုဖြည်ချပေးလိုက်သည်။
ပြီးနောက် ထပ်မံ၍နမ်းရှိုက်ဟန်ပြင်တော့ သူ့နှုတ်ခမ်းသူပိတ်လိုက်သည့် မိုးသွင်။
"ဘာလို့လဲ အချစ်ရဲ့ "
"ဘယ်အထိသွားမှာလဲဟင် "
"အဆုံးထိသွားမှာ မင်းကို ကိုယ့်ရဲ့အိမ်ထောင်ဖက်ပါလို့ တံဆိပ်ခတ်နိုင်တဲ့အထိ ကိုယ်ကသွားမှာ"
"ဟင့်အင်း "
ခေါင်းရမ်းပြလာပြီး မျက်လုံးများက သူ့ကိုမကြည့်ဘဲ ဟိုဟိုသည်သည်ကြည့်နေသည်။
ဘာတေများ ရွှေဉာဏ်တော်များဦးမှာလဲ။
" ဖယ်ပေးဦး"
" ဘာလို့လဲ"
"အဲ့ဒါက "
"အင်း "
"မသိတော့ဘူး ဖယ်ပေး "
"မဖယ်ပေးဘူး "
စက်နေရိုင်းက မိုးသွင်၏လက်နှစ်ဖက်ကို စုကိုင်ပြီး ခေါင်းရင်းဘက်ပို့လိုက်ကာ မိုးသွင်၏ နှုတ်ခမ်းများကို သိမ်းပိုက်လိုက်သည်။
"အွန့်အွန်း.. "
"အချစ် ဘာလို့ ငြင်းဆန်နေရတာလဲ"
"သွင် အဆင်သင့်မဖြစ်သေးဘူး "
ဟုတ်တယ်လေ။ သွင်မျှော်လင့်မထားတဲ့အခြေအနေကြောင့် သွင့်စိတ်ထဲမှာ ကြောက်ရွံ့နေဆဲ။
စက်နေရိုင်းက သွင့်အပေါ်မှဖယ်ခွာပြီး အိပ်ယာပေါ်သို့ မှောက်လျက်အိပ်လိုက်သည်။
" သွင့် ကိုယ်သင်းနံ့နဲ့မရဘူးလား"
"No "
"သွင်က "
ရွှတ်..
သွင်၏ ပါးကိုမွှေးကြူလိုက်ပြီး
"ကိုယ်အဆင်ပြေတယ် "
"ဒါပေမယ့် "
"ရတယ် ကိုယ့်ဘာသာဖြေရှင်းလိုက်မယ် "
စက်နေရိုင်းက ရေချိုးခန်းဆီသို့ ထသွားဟန်ပြင်တော့ မိုးသွင်က သူ့လက်ကို ဆွဲလိုက်သည်။
"သွင် ကူညီပေးရမလား ဟို..ဟို.. "
သွင်က ခေါင်းငုံ့လိုက်ပြီး
"သွင့်လက်နဲ့ကူညီပေးလို့ရမလား သွင် မလုပ်တတ်ပေမယ့် ရိုင်းက သွင့်ကို သင်ပေးလို့ရမလားဟင်
ဟင်းချက်တာကလွဲရင် ကျန်တာတေမှာ အတတ်မြန်ပါတယ် သွင်က အဲ့အကြောင်းအရာတေ မသိတာမို့ ရိုင်းက သွင့်ကို စိတ်မပျက်စေချင်ဘူး"
" ကိုယ်က စိတ်မပျက်ပါဘူး ပြီးတော့ အဲ့ဒါအတွက်နဲ့ ကိုယ်မင်းကိုစိတ်မပျက်ပါဘူး သွင်စိတ်မပူနဲ့နော်"
"မဟုတ်ဘူး "
"... "
" သွင်..သွင်ကိုယ်တိုင်က ရိုင်းကို လုပ်ပေးချင်လို့
ရိုင်းနဲ့အဆုံးထိသွားကြည့်ချင်လို့
သွင့်ကို သင်ပေးပါနော်"
ခေါင်းပြန်မော့လာပြီး သူနှင့်အကြည့်ချင်းဆုံကာ ပြောလိုက်သည့်စကားကြောင့် စက်နေရိုင်း၏ ရင်ဘတ်ကြီးသည် ပေါက်ကွဲလုမတတ်။
သွင့်ကို ပွေ့ချီလိုက်ပြီး ရေချိုးခန်းထဲ၀င်လိုက်သည်။ ပြီးနောက်ရေပန်းအောက်သို့အတူ၀င်လိုက်ပြီး ရေပန်းကို ဖွင့်ချလိုက်သည်။
"ကျန်တဲ့အချိန်တေမှာလှပြီးတော့ ရေစိုနေတဲ့အချိန်မှာ အချစ်က ဆွဲဆောင်မှုအရှိဆုံးပဲ "
စက်နေရိုင်းက မိုးသွင်၏ခါးမှ ထမီစကပ်၏ချိတ်ကို ဖြုတ်လိုက်ချိန်
"လက်..လက်နဲ့ပဲလေ "
"အ၀တ်အစားတေက ရှုပ်နေလို့ "
"မရဘူး မချွတ်နဲ့ လုပ်မပေးတော့ဘူး.."
ရှက်စိတ်ကြောင့် မိုးသွင်က ပြန်ထွက်ဟန်ပြင်တော့ စက်နေရိုင်းက မိုးသွင်ကို နံရံဆီဆွဲကပ်လိုက်ရင်း မွတ်သိပ်စွာ နမ်းရှိုက်လိုက်သည်။
လက်နဲ့ပဲဖြစ်ဖြစ် ဘာပဲဖြစ်ဖြစ် ဒီနေ့ည ကိုယ်ကတော့ မင်းနဲ့ မင်္ဂလာဦးရမှာဘဲ။
.
.
"သား အပြင်မှာဘဲ နေ နေတော့မှာလား
အိမ်ကို ပြန်မလာတော့ဘူးလား "
အိမ်ပြန်မလာတာကြာနေပြီဖြစ်သော သားကို ဒေါ်ယင်းမာမေးလိုက်သည်။
" ထွက်သွားတဲ့သူက ထွက်သွားပြီးပြီပဲ ဘာလို့လိုက်ရှာနေဦးမှာလဲ"
မေမေ့စကားကြောင့် စက်နေရိုင်းက မဲ့ပြုံးလေးပြုံးလိုက်ပြီး
" သားအလုပ်ပဲလုပ်နေတာ မေမေလည်း သိနေတာပဲ သားဘယ်တေမှာ သူ့ကိုလိုက်ရှာနေလို့လဲ"
"ညဘက်တေ အိမ်ပြန်အိပ်ဦးလေ သားရယ် "
" မအိပ်ချင်ဘူး မေမေ သားဘာသာ အပြင်မှာဘဲနေချင်တယ် "
"အိမ်ထောင်ပြုဖို့ရော မတွေးတော့ဘူးလား "
"ကျွန်တော် သွင်ကလွဲရင် တခြားသူကို လက်မတွဲနိုင်ဘူး "
"ဟိုက ယောကျားလေး "
"သိတယ် "
"ဘာလို့ မဖြစ်နိုင်တာတေလုပ်ချင်ရတာလဲ "
" ဘာလို့မဖြစ်နိုင်ရမှာလဲ "
"ပတ်၀န်းကျင်ရဲ့အမြင် "
"ပတ်၀န်းကျင်ရဲ့အမြင်ကို ဂရုမစိုက်ဘူး
မေမေသာ ခွင့်ပြုပေးပါ "
"ကောင်းပြီလေ ဒါဆို မေမေနဲ့သား အပေးအယူတစ်ခုလုပ်ကြတာပေါ့ "
"... "
"မင်းအဖေမိတ်ဆွေရဲ့သမီးနဲ့ မင်းတွေ့ကြည့်ရမယ် တစ်လအတွင်း အဲ့မိန်းကလေးကို သဘောမကျဘူး
ပြီးတော့ မင်းရဲ့ကောင်လေးကိုလည်း ရှာတွေ့မယ်ဆို မေမေ မင်းကို ခွင့်ပြုပေးမယ် "
"မေမေ ကတိတည်ပါစေ "
မေမေက ခေါင်းငြိမ့်ပြလိုက်သဖြင့် စက်နေရိုင်း မေမေ့ကိုကျောခိုင်းလိုက်ချိန်တွင်တော့ သူ၏မျက်နှာတွင် အပြုံးတို့ဖြစ်ပေါ်လာရသည်။
ကိုယ်ကမင်းကို အမြဲတမ်းလှောင်ပိတ်မထားပါဘူး မင်းကို အများရှေ့မှာပဲ တရား၀င်ထပ်ပြီး လက်ထပ်မှာ။
.
.
"အချစ်.. "
တိုက်ခန်းထဲ ၀င်၀င်ချင်းမှာပင် စက်နေရိုင်းအသံပေးလိုက်တော့ မိုးသွင်က အိပ်ခန်းတံခါးကနေ ခေါင်းပြူကြည့်သည်။
" မာလာရှမ်းကော ၀ယ်လာတယ်"
"အင်း "
"ဘာဖြစ်လို့လဲ "
"ဘာမှမဖြစ်ပါဘူး "
အနည်းငယ် ငြှိုးနေသော မျက်နှာလေးကြောင့် စက်နေက မာလာရှမ်းကော ဗူးကို စားပွဲပေါ်တင်ပြီး အိပ်ခန်းထဲမှ ချစ်ရသူဆီသို့သွားကာ ဖက်ထားလိုက်သည်။
"ဗိုက်ဆာနေလို့လား "
"သွင် ဟင်းချက်တတ်ချင်တယ် "
"ဘာလို့လဲ ဝါသနာမပါတာကြီးကို "
"လုပ်ကြည့်ချင်ယုံပါ တခါတလေလေး ရိုင်းကို ချက်ကျွေးချင်လို့ "
"မချက်ပါနဲ့ လက်တေဓားရှကုန်မှဖြင့် ပြီးတော့ အရင်တစ်ခါလို ဆီပူတေဘာတေစင်မှာလည်း စိုးရတယ် "
"ဒီတိုင်းကြီးကျ သူများလုပ်စာ ထိုင်စားနေရသလိုကြီး ဘာမှလည်း မလုပ်ရပဲနဲ့ "
"ဪ အချစ်ရယ် အချစ်က အိမ်သန့်ရှင်းရေးတေလည်းလုပ်တယ် ကိုယ့်အ၀တ်တေလည်းလျှော်ပေးတယ် ပြီးတော့ ညဘက်ကိုယ့်စာရင်းတေလည်း ကူကြည့်ပေးတယ်လေ ဒါဆို လုံလောက်ပြီလေ ပြီးတော့ ကိုယ်ရှာသမျှက မင်းအတွက်ချည်းပဲ ဘာလို့ ကိုယ့်ကိုယ်ကို အားငယ်စိတ်တေ၀င်နေတာလဲ
ဒီတစ်ပတ်ကျ အပြင်ထွက်ကြမလား လိုအပ်တာ၀ယ်ရင်း ကိုယ်လည်း အချစ်ကို မုန့်လိုက်ကျွေးချင်လို့"
"အရင်တစ်ခါကလို သိတဲ့သူတေနဲ့တွေ့နေရင် ဘယ်လိုလုပ်မလဲ "
"မင်းကို ပျားဖွပ်သမားလေးလို ထုပ်ပိုးသွားပါ့မယ်ဗျာ သိတော့လည်း ဘာဖြစ်လဲ ကိုယ်တို့ တရား၀င်တွဲနေတာပါလို့ ပြောလိုက်ရုံပေါ့ "
"လွယ်တယ်နော် "
"လွယ်တာပေါ့ ကိုယ်က အစကတည်းက မင်းကို တိတ်တိတ်လေးတွဲချင်တဲ့ သူမှမဟုတ်တာ
မင်းက ကိုယ့်ရဲ့ တရား၀င် အိမ်ထောင်ဖက်ပါဆိုပြီး ထုတ်ပြချင်တာ "
"အဲ့လို ထုတ်မပြလည်း ရနေတာကို "
"ကိုယ့်ကို ပိုင်ဆိုင်ကြောင်းပြချင်တဲ့ လောဘလေးများ မရှိဘူးလား "
သွင်က ခေါင်းကို ခါရမ်းပြလာသည်မို့ စက်နေရိုင်းက ခေါင်းငုံ့ကာ သွင်၏လည်တိုင်သွယ်သွယ်ကို စုပ်ယူလိုက်သည်။
"ဘာလုပ်တာလဲ "
" ကိုယ့်ကို ခွင့်ပြုပေး
ကိုယ်.."
" မရဘူး"
"ဘာလို့လဲ "
" လက်မထပ်ရသေးဘူး"
" အဲ့ဒါဆို အခုသွားကြမယ် တရားရုံးကို "
"အခုအတိုင်းလေးလည်း အဆင်ပြေနေတာပဲ "
"ကိုယ်ကတော့ မင်းကို ပိုပြီးပိုင်ဆိုင်ချင်တယ် ထိတွေ့ချင်လာတယ် ကိုယ်တို့နောက်တစ်ဆင့်ကို တက်ကြရအောင်နော် သွင်က သင်လွယ်တတ်လွယ်လေးကို ဒီတစ်ဆင့်မှာဘဲရပ်နေမလို့လား နောက်ထပ် အဆင့်တေကို စမ်းသပ်မကြည့်ချင်ဘူးလား"
" မစမ်းသပ်ချင်ပါဘူး "
"ဒါဆို ကိုယ့်ကိုနမ်း.. "
ရိုင်း၏ တောင်းဆိုမှုကြောင့် သွင် ခေါင်းလေးငုံ့သွားသည်။
သွင့်ဘက်က စပြီးမနမ်းရဲသေး
အရင်တစ်ခါကလို ရှောင်ဖယ်သွားမှာကြောက်သည်။
တွေဝေသွားသော သွင်၏နှုတ်ခမ်းများကို စက်နေရိုင်းကပင် စတင်၍ နမ်းရှိုက်လိုက်သည်။
ခနအကြာတွင် သူ၏မေးရိုးကို လက်ဖနောင့်ဖြင့်တွန်းဖယ်လာသော သွင့်ကြောင့် စက်နေရိုင်းအနမ်းများကို ရပ်တန့်လိုက်ပြီး သွင်၏ နဖူးလေးကို ခပ်ဖွဖွလေးနမ်းလိုက်သည်။
" ရေချိုးတော့ နောက်ကျနေပြီ"
"အင်း "
စက်နေရိုင်းက ဖုန်းကို ကုတင်ဘေးနားက စားပွဲပေါ်တင်လိုက်ပြီး အ၀တ်အစားများကို ချွတ်ကာ အခန်းထောင့်မှ ခြင်းထဲတွင် ထည့်လိုက်သည်။
ပြီးနောက် ရေချိုးခန်းထဲသို့ ၀င်သွားတော့သည်။
တင်..
စက်နေရိုင်း၏ ဖုန်းမှ message သံကြောင့် မိုးသွင်ဖွင့်ကြည့်လိုက်သည်။
ပို့ထားသည်က ရိုင်း၏မေမေထံမှဖြစ်သည်။
ပုံမှန်ဆိုလည်း message တေလိုက်ကြည့်နေကျမို့ မိုးသွင်ဖွင့်ကြည့်လိုက်သည်။
လှပသော အမျိုးသမီးတစ်ဦး၏ ဓာတ်ပုံ။
/သူ့နာမ်မည်က ဧကရီစံတဲ့ မနက်ဖြန် ဖုန်းဆက်ပြီး အပြင်မှာတွေ့ကြည့် ငါ့သား သဘောကျမယ်ဆိုတာ မေမေယုံတယ်/
စာကို ဖတ်ကြည့်ပြီး မိုးသွင်၏စိတ်ထဲ အနည်းငယ်ဒေါသလေးဖြစ်မိသည်။
ရိုင်းက ဘာလို့သဘောကျရမှာလဲ။
အဲ့ဒီမိန်းကလေးက လှတယ်ဆိုပေမယ့် ရိုင်းက ငါ့ကိုပဲချစ်တာကို။
ဒါပေမယ့် ရိုင်းက သဘောကျသွားရင်ရော
ဟင့်အင်း ရိုင်းက ငါတစ်ယောက်တည်းကိုပဲချစ်မှာ။
မိုးသွင်က ဖုန်းကို နေရာတကျပြန်ထားပြီး အိမ်ရှေ့ခန်းသို့ထွက်ကာ ရိုင်း၀ယ်လာသော မာလာရှမ်းကောကို စားနေလိုက်သည်။
ပြီးမှ ရိုင်းကို မေးကြည့်ရမယ်။
(Only Imagination)
