(တစ်ခါတစ်လေမှာကမ္ဘာကြီးပေါ်ကကိစ္စတိုင်းကနားလည်ဖို့ခက်ခဲနေလိမ့်မယ်။ဥပမာ..တိရိစ္ဆာန်တစ်ကောင်အသွင်ကနေလူသတ္တဝါအသွင်ပြောင်းလို့ရတာမျိုးပေါ့။
ငါကိုယ်တိုင်လည်းလူအသွင်ပြောင်းယူနိုင်တဲ့ကြောင်တစ်ကောင်ပဲလေ..။ဒါကိုဖုံးကွယ်ရင်းနဲ့နေလာခဲ့တာ ငါတို့မျိုးဆက်တစ်သက်လို့တောင်ပြောလို့ရနေပြီ။ဒီကပတ်ဝန်းကျင်မှာအိမ်မွေးတိရိစ္ဆာန်တိုင်းကအသွင်ပြောင်းယူလို့ရတယ်။အဲ့ဒီ့ကနေမှ လူသားတွေရဲ့အမူအကျင့်တွေလိုမျိုး ငါတို့လည်းလျို့ဝှက်နေထိုင်နေကြတာပေါ့လေ...)
"မီလို...ဟေ့..မင်းဘာထိုင်လုပ်နေတာလဲကွ"
(ဒါကတော့ငါရဲ့ကမ္ဘာမြေပေါ်မှာအချစ်ရဆုံးသခင်..ငါ့အတွက်နှစ်ယောက်မရှိနိုင်တဲ့သခင် သူ့နာမည်က အီရန်တဲ့..ငါသူ့ကိုသိပ်ချစ်ပါတယ် သူ့ရဲ့ကိုယ်သင်းနံ့လေးတွေကိုလည်းတစ်ကယ်သဘောကျတယ်..ဒါပေမယ့်...အင်း..ဒါပေမယ့်..ပုံမှန်မဟုတ်တဲ့အနံ့တစ်ခုကိုသူ့ဆီကနေငါရနေခဲ့တာ...အဲ့ဒါက...တောထဲကသစ်ရွက်ဆွေးတွေရဲ့အနံ့နဲ့ခပ်ဆင်ဆင်ပဲ..)
"မီလို.."
!ညှောင်..!
"ဟားဟား..လိမ္မာလိုက်တဲ့ကောင်လေး.."
(ငါ့လိုကြောင်တစ်ကောင်အတွက် သခင့်ရဲ့ချီးမွမ်းစကားတွေကတစ်နေ့တာမှာအရေးကြီးဆုံးပဲ။ကိုယ့်ကိုယ်ကိုယ်ဂုဏ်ယူမဆုံးတစ်ပြုံးပြုံးနဲ့မာန်တက်နေတုန်း....)
!ချွတ်..ချွတ်..!
(What!..အဲ့ဒါ...အဲ့ဒါဘယ်ကကောင်လဲ..ဖြူစုတ်စုတ်အမွှေး ခါးလျားရှည်ရှည်နဲ့ ငါ့ကိုပြူးကြောင်ကြောင်ကြည့်နေတဲ့..ဖျံလား..ကြွက်လား..အဲ့ဒါဘာကောင်လဲ..ဒါဖြင့်..ခုနကရနေတဲ့အနံ့ကဒီ့ကောင့်ဆီကလား..)
!ခွီးးးး!
"ဟေ့..မီလို..မလုပ်ရဘူး"
(အိမ်ကြီးရှင်ပီသစွာပဲ ရှည်လျားနက်မှောင်လွန်းတဲ့ငါ့ရဲ့အမွှေးတွေကိုထောင်ကားပြလိုက်တော့ ငါ့ရှေ့ကကောင်နည်းနည်းရှိန်သွားသလားပဲ..ချက်ချင်းပြေးဝင်သွားတာ..အဲ..မဟုတ်သေးဘူး..အဲ့ဒါငါ့ရဲ့အကြိုက်ဆုံးအိပ်ခန်းလေး..ငါ့အိပ်ခန်းလေးထဲဒင်းဝင်သွားခဲ့တာ..).
