"ဟေ့မိုး..."
သက်လက်ပိုင်းအမျိုးသမီးတစ်ယောက်ဆီမှဖက်လှဲတကင်းနှုတ်ဆက်လာသည်ကြောင့်မိုးလည်းပဲဖော်ရွေစွာပင်ပြုံးလိုက်မိသည်။စွဲတစ်ယောက်တော့မျက်လုံးအပြူးသားလေးနှင့်ရှိနေဆဲ..
"မတွေ့ရတာနှစ်ပေါက်နေပြီသူငယ်ချင်းရယ်"
"အင်း ထိုင်လေ စောင့်နေရတာကြာသွားပြီမလား"
ဧည့်ဝတ်ပြုရင်းမိသားစုတစ်စုအားဧည့်ခန်းမကြီးဆီကကျွန်းသားနှင့်ပြုလုပ်ထားသောကုလားထိုင်ကြီးများဆီဝင်ထိုင်စေခဲ့သည်။
"ကြာဆိုရင်တော့တော်တော်ကြာသွားခဲ့ပြီမိန်းမ မှန်မှန်ပြောစမ်းပါ ဘယ်လူကြီးမင်းနဲ့သွားတွေ့နေတုန်း ဟမ်"
"အယ်..ခရစ်စတင်း မင်းဟာလေ ကိုယ်ထင်ရာကိုယ်တွေးတဲ့အကျင့်လေးမပျောက်သေးဘူးပဲ အလက်စန္ဒားအတွက်တောင်စိတ်မကောင်းဖြစ်မိတယ်"
သူမအပြောကြောင့်သူငယ်ချင်းမဘေးကပ်ရပ်ထိုင်နေသည့်အမျိုးသားမှာပြုံးစစလုပ်လာခဲ့၏။ထိုမိသားစုမှာလေးဦးဖြစ်သည်။သားနှစ်ယောက်ဖြစ်ဟန်တူသည့်ကောင်လေးများမှာအရပ်ရှည်ရှည် ခန္ဓာကိုယ်ထွားလွန်းသည်ဟုစွဲသုံးသပ်မိသည်။
"ကဲပါ အခုFlightကဘယ်နေ့တုန်း"
"23ရက်နေ့ဖြတ်ထားတယ်မိုးရယ် ဘားအံကိုရောက်နေတာလည်းကြာနေပြီလေ"
"အင်း ဘားအံကိုကအလည်ပဲပေါ့"
"ဒါပေါ့မိုးရယ် သားတော်မောင်နှစ်ယောက်ကမြန်မာပြည်မှာလည်ချင်သပဆိုလို့လေ ကလေးတွေနဲ့တော့ဖြစ်ချင်တာလုပ်ချင်တာရှိရင် ချက်ချင်းတွေချည်းပါပဲ"
YOU ARE READING
Anime One Short (BDSM)
General Fictionစိတ်ထဲရှိလာတဲ့အခါတိုင်းတစ်ပုဒ်အသက်သွင်းပါမယ်🖤
