"ကိုလတ်"
"ဟင် ဘာ..ဘာဖြစ်လို့လဲငယ်လေး"
"ကိုကြီးပြန်မလာသေးဘူးလားဟင် ငယ်ဗိုက်ဆာတယ်"
စုတ်ပြဲနေတဲ့အင်္ကျီအပါးလေးအောက်ကပူထွက်နေတဲ့ဗိုက်ကလေးကိုပွတ်လို့ကလေးငယ်လေးမှာဆာလောက်နေပုံရပါသည်။
"ပြန်လာပါလိမ့်မယ် ဟို ဈေးဝယ်နေတာကြာနေတာဖြစ်မယ်ငယ်လေးရဲ့ ခဏပဲစောင့်နော် ဒါမှမဟုတ် ကိုလတ်ခေါက်ဆွဲပြုတ်လေးပြုတ်ပေးရမလား"
"ဟင့်အင်း ငယ်ကကိုကြီးတို့ပြန်လာတာကိုပဲစောင့်ချင်တာ ကိုကြီးတို့ဝယ်လာတဲ့ကြက်ကင်နဲ့ထမင်းနဲ့စားချင်လို့ပါ"
"ဒါပေမယ့် သူတို့ကြာနေရင်..."
"ငယ်စောင့်နိုင်ပါတယ် စောင့်လိုက်မယ်နော်"
ကလေးငယ်ကိုကြည့်လို့ မိုးပြည့်စိုးရိမ်စိတ်တို့ဟာတားမရဆီးမရ...
လေကြီးမိုးကြီးချနေတဲ့အထဲသူတို့နေထိုင်ရာအိမ်အိုလေးဟာဖြင့် သွပ်ပေါက်ရာများကြားနေရာတစ်ချို့စိုစွတ်ဆွေးမြေ့လို့.
"မိုးတွေအရမ်းသည်းလာပြီကိုလတ် ငယ်ရေထွက်ချိုးချင်တယ်"
"မဖြစ်ပါဘူးငယ်လေးရယ် မိုးချုပ်နေပြီကွ မြွေပါးကင်းပါးနဲ့"
"ကိုလတ်ကလည်း"
"မရဘူး မဆင်းရဘူးနော်ငယ်လေး ဆင်းလိုက်တာနဲ့ကိုလတ်မင်းကိုစိတ်ဆိုးမှာနော်"
