"ဟေ့ကောင် ဘာကြည့်နေတာလဲ"
"မြေနိုးရဲ့ နာတယ်ကွ ဖြည်းဖြည်းလုပ်စမ်းပါ"
"မင်းကအာရုံအရမ်းစိုက်နေလို့ပါ ဟက် ဘာတွေကြည့်နေလဲဖြေအုံး"
"မင်းကြည့်လိုက်ပါလား ငါ့လာမေးနေသေး"
ခပ်ငယ်ငယ်ကောင်လေးနှစ်ယောက်ပြောနေတဲ့စကားသံကိုသူအတန်ငယ်အာရုံစိုက်နေမိတယ်။သူတို့ကြည့်တဲ့ဆီလိုက်ကြည့်လိုက်တော့ လူလတ်ပိုင်းအရွယ်ယောက်ျားလေးနှစ်ယောက် ဖုန်းကာဗာလေးတွေရွေးနေကြတာရယ်...
"မိုက်တယ်သားကြီးရာ ငါတော့ကြိုက်တယ်"
"ကြိုက်တာလည်းကြည့်ကြိုက် အဲ့ဒါမကောင်းတာလုပ်စားတဲ့ယောက်ျားတွေ"
"ဟမ်"
ကောင်လေးကသူ့ဘေးကသူငယ်ချင်းဆီတစ်လှည့် ခပ်လှမ်းလှမ်းကလူနှစ်ယောက်ဆီတစ်လှည့်ကြည့်ရင်းအလုပ်ရှုပ်နေရှာတယ်။
"အဲ့ဒီ့အကိုတွေက ငါတို့တိုက်အနောက်ဖက်ခြမ်းမှာအလုပ်လုပ်တာ မင်းသိပါတယ် HCလေ"
"အာ Hype Clubလား"
"ဟုတ်တယ် အဲ့ဒါသူတို့စားကျက်ပဲ ဒါ့အပြင်ကြုံရင်ကြုံသလိုအပြင်Dateလိုက်သေးတာ"
"ငါမှမသိပဲကို ဒါပေမယ့် သူတို့ကြည့်ရတာချစ်ဖို့ကောင်းပါတယ် ဟိုလိုမျိုး ဟော့ဟော့ရမ်းရမ်းကြီးမဟုတ်ဘူးကွ"
ကောင်လေးပြောတဲ့စကားကိုသူထောက်ခံလိုက်မိတယ်။စိတ်ထဲကနေပေါ့လေ...
