عمياء القاسي(تتمة)

328

♡ داء انت يا عمياء أم دواء ♡ ..

#رواية : 🔞 عمياء القاسي 🔞

#للكاتبة : Sanae El idrissi

#___وما_الثأر_الا_باب_لهوسي_بك__يا_صغيرتي

#الحلقات____الاخييرة ..

توقفات سيارتو فالمطار وخرجات فردوس تتجري بينما هي فاتجاه بوابة الدخول ..

فالغابة كان صقر محني على ركبتو كيتوجع بسبب الضربة لكن اكيد مغاديش يكون وجعو الجسدي فحال النفسي ، تيحس بالهوا انقطع على ريتو تيحس بقلبو كيتشوا موازاة مع خفقاتو السريعة ، هز عينو تيشووفيهم كانو توقفو قدام دك الكوخ وبانت الرهبة فعيونو خايف يكونو لقاوها خايف يخسرها قبل ميخليها تسامحو وهو على دك الحال نزل ثايغر مع رجالو كيجري ناحيتو تيبقا ولدو من لحمو ودمو جلس القرفصاء قدامو وشد وجهو بين يدو تيقلب فيه ...

نهر فيه بصوت معصب ..

ثايغر : شفتي شنو دارت فيك ولكن غانتااقمو منها ..

غمض صقر عينيه وحلهم وشد فثايغر معكز عليه يوقفو انفوا وقفوا فلمح البصر خدا ليه صقر السلاح من خصرو ووجهو ناحيتو ..

تبسم ثايغر بمرارة وهو تينفي براسو قال ..

ثايغر : غاتقتلني على ودهاا ..

صقر : نسااها عليك والاااا ..

قاطعو تيغوت بعصبية مفرطة والشرار فعينيه..

ثايغر : والا شنووووووو غااااااتقتل باااااك؟

صقر : لااااااا غانقتل راااااااسي ..

دار السلاح فناظرو وزمجر بقسوة ..

صقر : قول لرجالك يحطو سلاحهم..

ثايغر : نزل السلاح ودير عقلك..

صقر : مبقااش عندي العقل تتفهم مبقاااش مبقااش واش مكحتسش بيا وااااكنبغيها كنبغييييييييهااااا نفضل نموت ومنشوفكش تقيسها بعد منها ..

قرب منو ثايغر والخوف بدا يبان فعيونو وهو على دراية أن صقر مني يقول الحاجة الا وراه قاد بيها ..

ثايغر : واخا غي نزل سلاحك اولدي .. ووعد مني منقيسهااااااااش ..

صقر : مكنتيييقش فوعوددك (بصوت عالي ) قلت لك قولهم يحطو سلاحهم دااااباااا..

غوت ثايغر على رجالو : رميوو سلاحكم..

ودكشي لكان كلهم جبدو سلاحهم من خصرهم ولاحوهم فالأرض .. قرب منهم صقر وشاف فواحد فيهم ومدليه يديه الثانية..

صقر : أرا سوارت..

السائق شاف فثايغر اللي حرك راسو بالموافقة وعطاهم لو ، تلفت صقر لثايغر وهو باقي هاز السلاح على راسو وحل لباب داللوطو وقال بصوت مؤلم ..

صقر : دير فبالك محدي عايش منخليكش تأديها ..

ثايغر : ودير فبالك محدي عايش مغانسااش انتقامي وغانرد حق ولدي ..

بعدما سالات الإجراء الأمنية طلعات للطيارة وجلسات فمقعدها تتلهت وترعد .. وأخيرا تهنات وأخيرا غاتخرج من هد البلاد ياللي زواتها كتر ما عاوناتها قرحااتها كتر ما فرحاتها ولكن فيين غاديا !!

غادياا لبلاد كانت سبب معاناتها راجعه لنقطة الصفر هاربة من الحاضر باش تتخبا فالماضي هنا بدااو دكريات الماضي الأليم يزورو مخيلتها من اغتصابها لجريمتها لتشردها لتمردها لادمانها لاختطافها لعدابها لاغتصابها للمرة الثانية والثالثة والالف .. صعييب ترجع برجليها للبلاد ياللي كان سبب كوابيسها والاصعب أنها رااجعة مفلسة بلا ريال بلا زوج مشات منو متشردة وهاهي رجعات ليه متشردة .. غمضات عينيها بألم ومسحات دموعها فورما بدات المضيفة تتعلم الركباب بضرورة قفل هواتفهم وربط حزام الأمان وسرعان ما حلاتهم فورماا حسات بالطائرة قلعات واستوطنات فالهووا ..

كان وصل للمطار تيجري والدم دايز من حدا ودنيه وفيدو لفون تاعو متبع النقطة الحمراء اللي فيها مكانها .. كان ادكى منها وحيث عارف فردوس وأفعالها دار لها جيبي اس فالباسكيت .. وقف على شرطي الأمن ياللي واقف فالبوابة اللي تتأدي لمكان الطائرات وقال باللغة الإنجليزية ..

صقر : الرحلة 730

الشرطي : 10 دقاايق هدي باش قلعات ..

زير على فكو بعصبية وتمشااا ناحية الإستقبال مقرر يتبعها مااشي صقر اللي يهربو منو مااشي صقر ..