عمياء القاسي(تتمة)

307

♡ داء انت يا عمياء أم دواء ♡  ..

#رواية : 🔞 عمياء القاسي 🔞

#للكاتبة : Sanae El idrissi

#__وما_الثأر_الا_باب_لهوسي_بك__يا_صغيرتي

ومكنتوش بزوجكم غاتعانيو  ومكنتيش نتي غادي طلبيني نساامحك  هئ هئ للأسف خرجتو على بناتكم خرجتو علينا  وحنا  تندفعوا ثمن أخطائهم (هزات راسها  ) سيري عند بنتك  انا ولفت حياتي بلا بيك واصلا مبقاتش عندي حياة مكاين لاش تعوضيني على شي حاجة معنديش الوقت  لها  وقتي قصير وممكن يكون منعدم
بعدات  رجليها منها  : بنتك مغااديش تتأدى  إلى كان غير هدشي لاش جاية هانتي عرفتييه
عطاتها بالظهر  وزادت خاارجة مخلياها تتغوت باسمها  ..
شادية : لمياء هئ هئ لمياء بنتي هئ هئ
دارت شادية يديها على وجهها تتبكي بينما عبد المجيد متبعها بعيينيه بلما يتدخل فحوارهم  ..
نتي غاتعيشي بزز منهم  وختك غادي تنقدك بخاطرها ولا بزز  ومكيهمنيش توافقي  ولالا ..  كرهييني كاع المهم عمري نخلي مكروه يصيبك  ..

كان كلام قالوا بينو  وبين نفسو قبل ميهز الراس لكاسو  وهو مراقب شادية تتبكي بلا شفقة  ..
نهاية الفلاش باك  ..

تنهدات مطول  وهي تتلعب بشعرها أفكار  متلخبطة واختبارات صعيبة  واختيارات مؤلمة بعد صعيب  والفراق أصعب ، وقفات تتشوفيها شحال  وهي تعطيها بالظهر خاارجة  غير تسد لباب  وهي تحل لمياء عينيها  وشافت فالصقف قبل متنهد وضور جنبها فورما سمعات الفون  تيصووني  نزلات حواجبها باستفسار وهزات لفون كان رقم خاص بلما تفكر زوج مرات جاوبات بنفور ..
لمياء :  فهد بن سودة اشنو بيتي؟؟
هزات حواجبها مني مااسمعات حتى رد وهي تمص شفايفهاا والكلام هرب من حلقها مستأنفة كلامهاا ..

لمياء :  ش كو ن  معااا يااا؟
دقات قلبها تسارعاات وهي تتسمع صوت شي حد تينهج وصوت تنفس بطيييء بزاف  ويمكن شبه منعدم
لمياء : شكوون؟؟؟  غانقطع

المغرب  ..

ورا فيلا  بن سودة لمزال تتحرق كاان ناعس على ظهرو تيتنفس بزز  وهو داير لفون  فوق صدروا تيحل فعينيه ويسدهم مقاوم ميغفاش تفكر كنان لوقف بزز منو  وخرجو بعدما لبس  تجاكيت فهد البنية ورجع تكا على كرشو بلاصتو  تفكر مو لمااتت قدامو  ورفيق عمرو لعاونو  وضحت بحياتو على قبلو  تفكر بلي باقي ليه شهر عاد تنتهي عقوبتو  وثأرو من نزار  ميمكنش يتأجل لشهر  ناض بزز  منو يدو عاطيااه الحريق صدرو تيتنهش نهش شاف فالطوق لفرجلوا  واللي على الاكييد بسببو لبوليس  غايكونو جايين  راه خرج من الفيلا ناض متكي على الحيط  وهو  تيشوف ففيلتو تتحرق  بمو  وصاحب ودراعو ليمن  وعزو مالو وهيبتو،  عض على شفايفو وشااف فرجليه  لفيها  الطوق هي عائق بينو وبين حريتو  وانتقامو وغايزيل هد العائق من طرريقو  ..