♡ داء انت يا عمياء أم دواء ♡ ..
#رواية : 🔞 عمياء القاسي 🔞
#للكاتبة : Sanae El idrissi
#___وما_الثأر_الا_باب_لهوسي_بك__يا_صغيرتي
#الحلقات____الاخييرة ..
كمل صقر دكشي لفيديه ومشا عندها هاز طاس دزاج مقطع فيه الفواكه مع كاس دالعصير حطهم قدامها وتبسم ..
صقر : يلاه كوولي ..
شافت فيه بحدر وحركات راسها بالموافقة عينيها ثارة فالاكل لقدامها ثارة فالباسبور لمحطوط بعيد عليها، جلس صقر حداها كيخربق فالفون تاعو وتبسم بعدما قضى غرضو وشافيها ..
صقر : يلاه كولي مزال تابعانا طريق ..
فردوس : لفين ..
صقر : دابا تعرفي ..
كحزات الطاس وهزات العصير ..
فردوس : غانشرب عصير صاافي ..
وهي تتشرب فيه وضور فعينيها بانلها صقر نزل عيونو لللفون تاني كان رسل مساج لوكاس تيعلمو يعطي العنوان لثايغر دك لهزة لهز عينيه فييها ضرباتو بالكاس لراسو حدا ودنيه نيشان حتى طوش دمو فدك اللحظة فين شد راسو نااضت تتجري هزات الباسبور غير بانلها تاعها وهي تضحك ووساعت ضحكتها وهي تتشوف البيي وسطو ..
لاحت تدكرة تاع صقر ومشات تتجري للباسكيت لبساتها محسات بيه حتى كاان شاد رجليها تيحاول ينوض و تيهضر بزز الأرض كضور بيه ومن فردوس تيبان لو زوج ..
صقر : متمشييش ش متمشيش ..
دفعات يديه برجليها وهي تمشي للطابل هزات سوارت للوطو وقبل متخرج تلفتات ليه والانكسار باين فبحر عيونها وهي تتشوفيه عاجز تيحاول يمنعها ومقادرش..
فردوس : شي نهار ربي غاياخد ليا حقي منك ..
كانت آخر كلمة سمع قبل ميغمض عينيه نزلات دمعه من عيينها وميلات شفايفها تتنفس بزز تاليها شهقات مسموعين تتحس وكأنها غادي تخلي شي حاجة عزيزة عليها من وراها بدون اهتمام لهد الشعور ولالم لكياكل قلبها أكل .. كسات وجهها بالحقد وخرجات تتجري فاتجاه اللوطو ..
حل عينيه ثاني وحاول ينوض تعكز على الفوطوي ودم عمر لو كاع التيشورت كحز للبيي هزهم جبد باسبورو من جيبو ودارهم وسطو تيحاول يستعقل لجرا تاتفكرها هزات لكونطاك عاد ناض تيزرب فخطاويه شاد راسو يلاه خرج وهي طير بالطمويل مخليا الغبرة وبركان من الغضب وراها نزل على ركبتو وزمجر بعصبية ممزوجة بخوف ..
صقر : فردووووووووووووس ..
كانت غاديا طاايرة بالطموبيل وتترعد وهي تلاقا بربعه دالسيارات من نوع بي ام دابليو فداخل السيارة الرابعة فيهم لمحها الشيفور دثايغر سايقة اللوطو وغادية لمدينة بينما هما متجهيين للغابة ، تلفت لثايغر لكان تيشوف فالفراغ ..
السائق : ثايغر دك البنت بحرا دازت بطموبيلة صقر .. واش نقلبوا الطريق نتبعووها؟
هز حاااجبو بدهشة وبان الخوف فعينيه ..
ثايغر : ولدي صقر
#يت____بع
أنت تقرأ
عمياء القاسي(تتمة)
Actionتحت عنوان:🔥#عمياء_القاسي🔥 للكاتبة: 🔥#Sanae_El_idrissi🔥 كانت ليلة مظلمة بزااف الشتا خيط من سما وعااصفه قويه مخيمه المديينه ومزاال مهداات ، حركه سير معطله بزااف والسيارات مستفيين على الجهد، الظلاام كثييف وشتاا كثف منو كاان جاالس فرومبا وضام رجلييه...
