عمياء القاسي(تتمة)

316

♡ داء انت يا عمياء أم دواء ♡ ..

#رواية : 🔞 عمياء القاسي 🔞

#للكاتبة : Sanae El idrissi

#__وما_الثأر_الا_باب_لهوسي_بك__يا_صغيرتي

سكت لوهلة وتبسم لتقاسيم وجهها المستغربة ..
صقر : قلبي مجروح و تينزف ضعف جرحك ودواه فردوس وقرب فردوس وسماح فردوس .. فردوس انا تعلقت بك بزاف ومعرفتش شنو لراه يوقع ليا معرفتش شنو هدشي وعلاش هد الأحاسيس لمتضاربة فقلبي وعقلي معارفش علاش تنحس بهد الخنقة بمجرد متنفكر بلي ممكن يجي نهار وتبعدي عليا معارفش نسمي هد الشعور ومفااهمووش شناهو عارف حاجة وحدة (تنهد وتكلم بصوت خاافت ) فردوس انتي الداء وانتي الدواء
وهي باقية على حالها بنظرتها لمنكسرة ليه المخلطة بين الغضب الخوف الحقد لاستغراب وربما الشفقة !!
تبسمات وقبل متحل فمها تجااوبو غوتات بصوت بااكي وشدات فرجليها
شافيها صقر بصدمة قبل ميحول عينو وتزيد صدمتو وهو تيشوف فحنش حدا رجليها بلما يفكر زوج مراات هز سلاحو من خصرو ونيش عليه حتى تزلع ورجع شافيها جلست فالأرض شاادة فصبع رجليها الكبير تحنى عندها وهو كلو خووف وشد وجهها بين يدو ..
فردوس : فردوس تتسمعيني
هزات فيه عيينها وطلقات من صبعها وبيديها بزوج شدات شوميزو تتألم
فردوس : تيضررني هئ هئ
طلق صقر من وجهها وهو ينزل راسو لصبعها تيمص بلاصة العضة ..

صقر : متخاافييش (بزق من فمو ) انا معك متخاافيش
بداات تتقلب عينيها والحمورة كسات وجهها بالكامل العرق هابط منها وبالكاد تتنفس ..
فردوس : سااليناا هدي لخرا ليا
عنقها صقر عندو بهستيرية مزيرها عندو جلس مقاد ودارها بين رجليه وضورهم عليها وراسها فوق فخدو كانت ناعسة فالأرض وبعيونها الزرقا تتشوفيه حادر راسو عندها وهو تيحرك راسو بالنفي .. فين جبروتو قوتو وعزة نفسو مشااو فمهب الريح وهو حاصر الدمعه من جفونو..

طلعات النفس وهبطاتها بصعوبة وقالت وهي تتبكي ..
فردوس : ك وون غيير تلاقينا فظروف أخرى
تبسم وسط دموعو ومد يدو تيمسح العرق من جبينها ..
صقر : كون تلاقينا فظروف خرا مكنتش غادي نبغييك ونطيح عبد تحت رجليك
تبسمات وعينيها تيتسدو حلاتهم فورما طاحت دمعتو فوق خدها ..
صقر : عمري بغيت ومني دق قلبي دق ليك عدبتك بزاف وتنستحق أي عقاب ولكن ألا هدا منقدررش مقدررش نكمل حيااتي بلا بيك
سدات فردوس عينيها مع دمعه حارة نازلة من عيينها مخلياه مصدوم وراها ...

#رأيكم