عمياء القاسي(تتمة)

337

♡داء انت يا عمياء أم دواء ♡ ..

#رواية : 🔞 عمياء القاسي 🔞

#للكاتبة : Sanae El idrissi

#___وما_الثأر_الا_باب_لهوسي_بك___يا_صغيرتي

#الحلقات____الاخييرة ..

بقات مدة تتفكر فكلام دك الراجل ولوهلة وقفات تتسوس حوايجها .. تنهدات مطول وهي تتشوف فهد المتشردين ياللي فلبلاصة والغصة فحلقها والدموع محصورين فجفونها ..
يستحيل ترجع لفردوس المتشردة يستحيل ترجع تطلب وتبيع كلينكس .. يستحيل تبيع الورد وتمسح السيارات مايمكنش ترجع تبات تحت القنطرات وفالفوريان .. وعلى اثر هد لأفكار رجعات ادراجها فاتجاه لمحلبة ..

وقف اللوطو قدام صراف الي فالشارع خرج من سيارتو هاز راسو بحواجب منقضة .. واتجه ليه تيتيري بعد برهة دار لفلوس فالبزطام وخشاه فجيب الكوستار الدخلاني ، رجع جبد الفون متبع النقطة الحمراء ياللي تتدل على مكانها بعدها رجع تيقلب على آخر أخبار المافيا الأمريكية .. وهو ينزل حاجبو بقلة حيلة بعدما قرا خبر إلقاء القبض على رئيسها .. وهما ناشرين صورة ثايغر وهو مونطي وشرطة مكافحة الجريمة مطوقاه .. تنهد مطول واتجه لسيارتو والوجهة مكان فردوس ..

وقفات قدام المحلبة وهي حشمانة تتفرك يديها بتوتر مقادراش تدخل شافها مصطفى وخرج عندها مستغرب..
مصطفى : ياك لباس ابنتي؟ يكما تعرض لك شي حد؟
حكات فروة راسها بخجل وحنحنات..
فردوس : احم فالصراحة انا بيت نخدم وخاصني فين نبات إلى عرضك باقي جاري نخدم عندك..
تبسم لها وقال..
مصطفى : جاري ولا ناشف هه دخلي ابنتي ..
فتح لها يديه ودخلات سابقاه تتشوف فالزبائن لكانو مفرقين فكل طبلة ..
شافيها مصطفى وقال : زيدي ابنتي ..
حركات راسها بالموافقة وتبسمات ليه وتبعاتو للمطبخ هز طابلية بيضة فحال اللي لابس وعطاها ليها..
مصطفى : مهم ابنتي غانبدا بك ب80 درهم وتباتي هنا وتاكلي هنا ونهار يكون مزوهر نزيد بنتي شبانلك؟
حركات فردوس راسها بالايجاب مواافقاه أولا معندهاش بديل تانيا معرفتش تاثمن لقال ليها شحال هو بسنتيم ..
شحال هدا فالماضي كانو فالزنقة تيعرفو يحسبو غير بريال..
تبسم لها وشدات عندو الطابلية تاتلبسها وهي تتشوف فالماعن اللي مجموعين كتاار وموسخين ..

بعد ساعتين ..

توقفات سيارتو قدام المحلبة نيشان وهو مستغرب وتيشوف فالجيبي ايس لوصلو لهنا حك دقنو بحيرة وبدا يضرب فالفولون بصباعو .. حتى خرج عيينيه بصدمة مني شافها لابسة طابلية وتتشطب قدام المحلبة مفهم والو وعقد حواجبو متبعها حتى كملات ودخلات للمحل ثاني عاد خرج من سيارتو وتوجه للمحلبة دخل تيقلب عليها بعينو مبانتش ليه شافو مصطفى وجرا عندو تيبان فيه كليان ميسور واجنبي تبسم ليه وهو تيرحب بيه ..
مصطفى : مرحبا مرحبا تفضل اولدي
بينما صقر ببرود تيقلب عليها بعيينيه يللي فيهم الف سؤال