عمياء القاسي(تتمة)

319

♡ داء انت يا عمياء أم دواء ♡ ..
الجزء 319 من

#رواية : 🔞 عمياء القاسي 🔞

#للكاتبة : Sanae El idrissi

#__وما_الثأر_الا_باب_لهوسي_بك__يا_صغيرتي

حس بتنفسها ولا ثقيييل عرفها نعسات ضور يدو على كرشها ودار رجلو عليها وخشاها فيه .. تنهد بألم مجيتو لهد البلاصة كتفيق عليه جروح غارقة فسلسلة معاناتو صحيح هدي مااشي نفسها لبلاصة فين تقتلاات عائلتو لكنها تتبقا دارهم حتى هي وكل ركن فيها تيفكرو بيهم ويفكرو بهدك الوحش لقتلهم ودمر نزار الطفل لملاك ورومبالاساه بنزار القتال لقاسي ياللي بلا رحمة .. مكرهش يلقاه ويفدي فيه ثأرو مكرهش يسيل دمو ويفش غضبو تنهد سايس هد لأفكار من بالو وغمض عينيه كمحاولة منو ينعس وينسا هد الدكريات الأليمة ياللي رجعات تزور مخيلتو تخشا فيها كتر مغمض عيينيه بنومو سد باب غامض من ابواب الماضي ..

شيكاغو ..

كاان ثايغر واقف بشموخ فالحي وهو على رأس مجموعة من الرجال الواقفين قدامو برؤوس محنية بااين لاحترام والخوف منو غير من وقفتهم
ثايغر : خااص تعرفو بلي صقر مبقاش الوريث ديالي .. كنحدر أي واحد فيكم يعاونو ولكاان عاارف بلاصتو وسكت حساابو مغايدوزش بالسااهل ديروها فبالكم ... ودااباا عندكم من هنا لليل نعرف بلاصتو
أشار لهم بيدو يتشتتو وعطاهم بالظهر داخل للحانة توجه لمكتبو لفلحانة ياللي كان صقر خاايدو ..
جلس فيه بحواجب منقضة نزل يدو لجيبو وجبد كيس صغير دالمخدرات، هز قبصة بيدو بعدما فتحو وحطها فوق يدو ثانية رما دك الكيس فوق المكتب ونزل راسو كيشم ثواني وهزو تيسمح انفو بيديه .. عض على شفايفو وهز راسو وهو تيطلع فكمام لكوستار ويمرر يدو على الوشم لفيها ..تبسم باستهزاء وقال ..
ثايغر : نزار السليماني سالا وقت اللعب .. مصيرك غايكون نفسو مصير عائلتك أي واحد وقف ضدي غاايمووت .. مسح على شفايفو والشر بان فعيونو وقال مستأنف كلامو ..
ثايغر : كاان خاص تموت قبل سنين كون متي مكانش ولدي غايموت ومكنتش غانضطر نتعادى مع ولدي صقر ولكن صبر عليا اناا مغاديش نخليك حي هد المرة .. الانتحار الرحيم غادي يولي قتل رحييم غانقتلك باش نهنييك من تأنيب الضمير لغادي يزورك بعدما نقتل ختك وننتقم منك ونربي صقر على عصياانو ليا ..
بخبث تبسم وهو تيتفكر النهار ياللي خطفو نزار ومع دلك مشافش الوشاام بل بعصبيتو انداك مداهاش فيه وهز حاجبو بافتخار وهو على علم مسبق ان نزار عياا يقلب على صاحب الوشم بلا نتيجة