عمياء القاسي(تتمة)

329

♡ داء انت يا عمياء أم دواء ♡ ..

#رواية : 🔞 عمياء القاسي 🔞

#للكاتبة : Sanae El idrissi

#___وما_الثأر_الا_باب_لهوسي_بك__يا_صغيرتي

#الحلقات____الاخييرة ..

زمجر بقسوة رامقها بنظرة قاسية متوعداها بعداب ضعف عدابو بمرات

صقر : يا اهلا وسهلا بحرم سي نزار السليماني فحينا المتواضع

ساست كسوتها بتوتر ودارت رجل على رجل شادا عصاتها بين يديها : كنظن تعااملك غايتبدل معيا الى قلت لك بلي انا فصفك وبلي مستعدة نحط يدي فيدك وندمرو نزار

صقر : وشنو غادي نستافد من عمياء ؟؟

شدى : متنساش بلي انا مرتو وبلي هو كيموت عليا (هزات راسها بغل) نتا هدفك الانتقام عندي نفس الهدف عدونا مشترك واسهل طريقة نهزموه بها هي نحطو ليد فاليد !!

صقر : وشنو لضمن ليا انا صدق كلامك

شدى: كظن بلي نزار لو كان عارف بلاصتك كان غايكون ساكت ؟؟ كنتي غاتكون تحت التراب دباا

غمض عينيه بعصبية ونزل راسو عندها : فوق انك عمياء لساانك سليط كنستغرب اشنو عاجبو فيك حتى قتل سانتوس على ودك نتي وكيحارب عبد المجيد باش يحافظ على حياتك!

بعدما برهة كاان تيمشي ويجي بنرفزة تيتسناها تجي وانفوا دخلات من باب القصر جرا ناحيتها والشرار خارج من عينييه بقسوة زيرها مع الحيط وصاط نفسو السخون فوجهها وهو حاط الفردى على كرشها ..

نزار : تااافقتي معااه هممم اشنو ندير معك دبا هاااا ؟؟

تمتمات بخوف وهي شادا فيدو لشاد بيها المسدس عليها : م متقدش تقتلني

معندكش الجرأة (زيرات على يديه ) نتاا فوق انك كتبغيني نتاا باغي هد الولد

زمجر بقسوة زادي صدرو مع صدرها: علااش علاااش (بقسوة غوت باعلى صوتو) علاش هد الحقد علاااش هد الكره اشنو درت لك حتى تحطي يديك فيدين اكبر اعدائي علاش اشدى (شافيها بخدلان) علااش

تبسمات بألم : كنت عايشة بخير مكنادي حد مكنكره مكنحقد دخلتي لحياتي فحال السوسة خربتيها وعاديتيني ووليت فحالك مجرمة غدارة وقتاالة

حرك راسو بالايجاب وزاد دخل فيها الفردي : وهدشي علاش خاصك تمووتي

حركات راسها بالنفي كتبتسم : قلت لك متقدش تقتلني انا كيف لدروك كيجري وسط دمك

حط جبينو على جبينها بألم وتنهد: حني فيا وخلينااا نساو لفاات انا مسامحك على كلشي علاش مقاداش تسامحيني؟؟

هزات راسها بتكبر وحركات صباعها كتمررهم على لمسدس لبين يدو: حيت شدى لقديمة ماتت بفضلك

نزار : نحييهااا عاونيني وكنواعدك غانرجع شدى لقديمة !

تبسمات بحزن وضغطات على زناد مخلياه حال فمو بصدمة وهي بين يدو بضحكتها الساخرة تمتمات بصوت مهموس : فدقيقة ديت لك حبك وولدك وكمل ت انتقامي

وعلى صورتها الضاحكة فوجهو رمش ببطئ بدون استعاب ونزل عينو ليدو لعامرة دم وهي شاداها من خصرها مغمضة عيونها مستسلمة لمصير كتباتو لنفسها ، كاشف وجه من جوه الانتقاام .. غوت باعلى صوتو وفاق قاافز والعرق تيتصبب من جبينو تلفت لشدى لناعسة فوق السرير وتنهد تيمسح فالعرق وتمتم بغضب ..

نزار : كلكم خااص تمووتو كلكم ..